It(em) al eest alsoe dat de vors(creven) weincelijn van lathem vande(n) vors(creven) goeden/ gelufte va(n) genoech doene en(de) wara(n)deerscape geloeft heeft soe es/ nochta(n) vurw(er)de tusschen den selve(n) weinceline voir hem sine(n) erve(n) ende/ nacomelinge(n) in deen zijde en(de) den vors(creven) pauwelse cardinaels voir hem/ sine(n) erve(n) en(de) nacomelingen in dande(r) zijde oft soe gebuerde dat arnt/ va(n) overbeke die voertijden possesseur es geweest vande(n) selve(n) goeden/ aflivich wordde sond(er) wettige gebuerte acht(er) hem te late(n) en(de) mids dien/ den vors(creven) pauwelse enige calangie aende vors(creven) goede gedaen worde/ uut saken va(n) die(n) dat de selve goede den vors(creven) arnde va(n) m(ar)griete(n)/ wile(n) smans sijnre moed(er) met testa(men)[te] gelate(n) mochte(n) sijn Met/(con)dicie(n) oft hij sond(er) gebuerte storve dat dan die goede gaen souden/ nae inhoude(n) desselfs testaments dat in desen gevalle de vors(creven)/ weincelijn noch sijn erfgename(n) mett(er) vors(creven) gelufte(n) va(n) genoechdoene/ en(de) warantscape niet gepraemt en sulle(n) worde(n) vand(er) calangie(n)/ vors(creven) m(air) and(er)ssins inde vors(creven) gelufte va(n) wara(n)tscape en(de) genoech/ doene gehoud(en) sijn cor(am) eisd(em)