It(em) t(er) meerder vestich(eit) den voirs(creven) ghehuysschen en(de) hue(re)n kinde(re)n van des/ voirs(creven) es te doene soe sijn bij handen andries van roesmeers vorst(er)s/ te loven(e) vanden voirs(creven) arnde vanden zande den voirs(creven) janne va(n) oppendorp/ tot behoef als voe(r) in hande(n) ghesedt ende v(er)obligeert voir tvoldoen der vors(creven)/ renten De juweelen h(ier) nae besc(re)ven inden yersten een guld(en) peessche/ ghestoffeert met p(er)len eene(n) gulden(e) halsbant met twee platte dyamante(n)/ een gulden collie(r) ghestoffeert met p(er)len met dyamanten ende robbijnen/ een gulden roese met vijff dyamanten ende met eenre groot(er) p(er)len uut/ hanghen(de) een gulden taefflet ghestoffeert met p(er)len weghen(de) te gade(r)/ iii(½) m(er)ct troys Te dyen eynde ghebuerdert den voirs(creven) ghehuysschen ende/
//
hue(re)n kynde(re)n ind(er) betalinghen der voirs(creven) lijfrente(n) oft bewijsenisse der/ selv(er) e(n)nich ghebreck te hebben(e) Soe sullen sij aut alt(eri) recht d(aer) inne/ hebben(de) sijn ghebreck aen de voirs(creven) juweelen moghe(n) verhalen ende/ die met rechte ten prijse van juweliers oft gousmeden hen des v(er)staen(de)/ moghen v(er)coepen zonder den selve(n) arnde dair af vorde(r) te derve(n) v(er)antw(er)de(n)/ Ende oft dair ov(er) tghebreck yet ov(er)schiet dat soude hij den voirs(creven) arnde/ wederkeere(n) Ende oft dair iet ghebrect dat soude hij mette(n) voirscr(even)/ scepen(en) brieve moghe(n) verhalen behoud(elic) dat hij sal moghen p(ro)cede(re)n/ eenighe(n) van beyden dwelck hem best ghelieve(n) sal Ende oft de voirsc(reven)/ ghehuysschen ende huer kinde(re) oft yemant and(er)s recht dair inne hebben(de) and(er)s dan met v(er)coepen(e) der selv(er) juweele(n) vernueght wordde(n) soe sal/ de voirs(creven) jan van oppendorp ghehoude(n) sijn de voirs(creven) juweele(n) den voirs(creven) arnde/ ov(er) te leveren(e) ghelijck hij die ontfanghen heeft cor(am) eisd(em)