Cont sij allen lieden dat lorain loraert wonen(de) te gobbertingnez in pr(esen)c(ia) heeft/ ghenome(n) ende bekint dat hij genome(n) heeft van joffr(ouw) osilien wed(uwe) reyners wijle(n)/ le begghe ende henrick le begghe hue(re)n zone tierst uut hue(re)n broode met rechte/ ghedaen sijnde en(de) renu(n)cieren(de) in desen der p(ri)vilegien en(de) vrijheid(en) vander/ univ(er)siteyt van lov(en) dwynhof der selv(er) joffr(ouwe) osilien en(de) hue(re)n zone toebehoren(de)/ ghelegen te gobbertingnez met huysen hoven wynnen(de) landen mett(er) weyn vanden/ bosschen dair toe behorende en(de) den ande(re)n sine(n) toebehoirte(n) ghelegen inde p(ro)chie/ van meilhem ende dair omtrent in desen uutghescheyden tcleyn huys gelegen/ bijder schue(re)n ende de grote nedercame(r) bijden selve(n) cleyne(n) huyse gheleghen/ dair die wynne egheen recht en heeft noch en behult Bij alsoe dat de voirs(creven)/ wynne opde voirs(creven) bossche wa(n)neer die ghehouwen sijn sijn beesten niet driven/ en sal noch laten gaen de spruyten en sullen sijn [out] drie jair oic Te houden(e) te/ hebben(e) ende te wynnen(e) van sinte marien magdaleenen daghe lestleden/ eenen t(er)mijn van xii jairen langk due(re)nde deen nae dand(er) zond(er) middel/ volgen(de) elcx jairs dae(re)n bynnen te weten de voirs(creven) huyse om vi mudden corens/ goet ende payabel met wa(n)ne en(de) vede(re)n wel bereyt d(er) mate(n) en(de) pacht/ van meilhem Ende de wynnen(de) lande elck boend(er) d(aer) af om xii halstere(n) corens/ mate ende pacht voirs(creven) alle jaire tsinte andriesmisse ap(oste)ls te bet(alen) en(de) te/ gobbertingnez te leve(re)n der voirs(creven) joffr(ouw) osilien ende henricken hue(re)n zone/ aut alt(er)i jairlix den voirs(creven) t(er)mijn due(re)nde quol(ibe)t ass(ecutu)[m] Opde vurw(er)den/ en(de) c(on)dicien h(ier) nae besc(re)ven Inden yersten dat de voirs(creven) wynne de voirs(creven) wynnen(de)/ lande jairlix sijne(n) t(er)mijn due(re)nde wel en(de) loflick wynne(n) en(de) werve(n) sal gelijc/ regenoete(n) boven en(de) benede(n) en(de) de selve goede tweewerve(n) wel en(de) loflick ov(er)meste(n)/ bynne(n) sijne(n) voirs(creven) t(er)mijne tot sine(n) schoensten It(em) sal de voirs(creven) wynne jairlix leve(re)n/ iiiiI[c] walms o(m)me die opde voirs(creven) huyse v(er)dect te wordden ende alsmen dien v(er)dect/ sal de selve wynne den werclieden den cost gheve(n) ende de voirs(creven) joffr(ouw) en(de) huer/ zone zullen die dachhue(re)n betalen ende de wynne sal die [selve] huyse tot sijnre/ cost houden vander onderst(er) rijkelen nederweerts in goeden state ende desgelijcx/ de selve huyse wel en(de) loflijck vorsten tot sine(n) coste It(em) want de voirs(creven) wynne/ den wynt(er)aert vanden voirs(creven) goede bevonden heeft besaeyt gevalueert ten prijse/ van goeden ma(n)nen opde so(m)me van xlv mudden corens mate en(de) pachte voirscr(even)/ te weten drie dach(mael) met t(ar)wen ii boender met weysinghe ende dand(er)/ lande met pachts coren(en) Soe es vurw(er)de dat de voirs(creven) wynne den selve(n) aert/ tot sijne(n) afscheyden alsoe goet besaeyt laten sal ten prijse gelijck voirs(creven) steet/ met vurw(er)den oft de lande alsdan ergher wae(re)n dat hij dat goet doen ende/ volmaken sal tott(er) so(m)men voirs(creven) ende oft sij bet(er) wae(re)n dat de voirs(creven) joffr(ouw) hem/ dat oprichten sal ten prijse van goeden ma(n)nen It(em) want oick de selve wynne/
//
tot sinen aencomen(e) inden zomer aert bevonden heeft besaeyt ond(er)half/ hond(er)t schoeve(n) witte(n) erweten ende iii(½)[c] schoeve(n) grauw(er) erweten hond(er)t/ schoeve trocken ende xi(½) dach(male) cortt evene elck boender ghetaxeert op/ v(½) mudden der maten voirs(creven) ende drie boender have(re)n elck boend(er) op v(½)/ mudden Soe es vurw(er)de dat de selve wynne de vors(creven) lande alsoe/ goet tot sine(n) afscheyden(en) ten prijse als voe(r) laten sal It(em) want oick de/ voirs(creven) wynne tot sine(n) aencomen(en) bevonden heeft ix dach(mael) lants gelegen/ al voye de thyne wel ende loflick gemest soe es vurw(er)de dat hij die/ tot sine(n) afscheyden alsoe laten sal ende de brake tot sine(n) afscheyden laten/ eens o(m)me ghedaen Item ten lesten jaire sal de voirs(creven) wynne op de voirs(creven) goede/ moghen sayen ii halst(er) lijsaets d(aer) af dat den saet en(de) tvlas den wynne/ volghen sal It(em) sal de voirs(creven) wynne den wyng(ar)t ald(aer) ghelege(n) tot sine(n)/ afscheyden laten wel en(de) loflijck gewracht van allen wercke nae den eysch/ vanden tijde it(em) sal de selve wynne tot sine(n) afscheyden(en) den hof staen(de)/ aen thuys wel besedt laten met iiii molevaten boene(n) ende dand(er) lant/ d(aer) neven ghelegen sal de selve wynne laten wel ghemest It(em) want/ oick de selve wynne tot sine(n) aencomen(en) v(er)eyghebeidt heeft waghen/ plueghen eeghden eeghen ende and(er) h(er)nasch dair toebehorende al te same(n)/ ghetaxeert op x(½) gul(den) voir elken gul(den) x stuv(er)s gerekent Soe es vurw(er)de/ dat de selve wynne tot sine(n) afscheyden die alsoe goet ten prijse van/ goeden ma(n)nen der voirs(creven) joffr(ouwe) wed(er) o(m)me leve(re)n sal It(em) want oick de/ voirs(creven) joffr(ouw) den voirs(creven) wynne tot sijne(n) aencomen(en) geleent heeft xxx busselen/ hoys lxxv schoeven rontgrayn ii[c] xxv schoeve rogghenstroes en(de) ii mudde(n)/ caefs Soe es vurw(er)de dat de voirs(creven) wynne die tot sijne(n) afscheyden der/ voirs(creven) joffr(ouwe) wed(er) o(m)me uutreycken ende betalen sal t(am)q(uam) [io?] ass(ecutu)[m] It(em) sal voorts/ de voirs(creven) wynne jairlix den voirs(creven) t(er)mijn due(re)nde der voirs(creven) joffr(ouwe) mesten een/ verken zonder yet d(aer) af te hebben(e) dair af sij hem tverken leve(re)n sal/ sal noch de selve wynne der selv(er) joffr(ouw) jairlix sayen ii molevaten lijsaets/ int hoff acht(er) thuys opt dbraecklant ende dlandt dair toe ghereyden op/ sijne(n) cost dair toe dat de voirs(creven) joffr(ouw) den saet leve(re)n sal sal noch de/ selve wynne der selv(er) joffr(ouw) jairlix tsinte andriesmisse leve(re)n ende gheven/ een halst(er) witte(r) erwete(n) keekeren It(em) vanden oefte dat op de voirs(creven) goede/ wassen sal d(aer) af sal de voirs(creven) joffr(ouw) jairlix hebben tdierste deel dwelc/ huer de voirs(creven) wynne thuys leve(re)n sal It(em) soe wa(n)neer de voirs(creven) joffr(ouw)/ huer bosschen doet houwen soe es vurw(er)de dat de voirs(creven) wynne thout/
//
dair af met sine(n) wagen ende p(er)den tot sine(n) coste halen sal ende dat der/ voirs(creven) joffr(ouw) bringhen ende leve(re)n bynne(n) [den] voirs(creven) hove It(em) sal de voirs(creven) wynne/ op sine(n) cost der voirs(creven) joffr(ouw) jairlix met sine(n) wagen(en) en(de) p(er)den doen/ twee carweyden alsoe verre als van gobbertingnez tot bouleer toe alst/ de joffr(ouw) aen hem versueken sal het sij van houte te halen oft in ande(re)n/ zaken ende de voirs(creven) joffr(ouw) osilie ende henricus huer zone tierst uut/ hue(re)n broede gedaen sijnde ende renu(n)cieren(de) als voe(r) hebben gelooft/ den voirs(creven) wynne inde voirs(creven) pechtinge te houden(e) ende te doen/ volgen(e) den voirs(creven) t(er)mijn van xii jairen due(re)nde zonder arghelist/ Welke vurw(er)den ende c(on)dicien alle ende yegewelcke voirs(creven) hebben gelooft/ den voirs(creven) joffr(ouwe) osilie ende huer zone in deen zijde ende de vors(creven)/ wynne in dander zijde malcande(re)n vast gestentich en(de) onv(er)breckelijck/ te houden(e) ende te voldoene tallen tijden en(de) t(er)mijne(n) als die vallen ende/ v(er)schijne(n) sullen quol(ibe)t ass(ecutu)[m] H(ier) af es borghe des voirs(creven) wynne(n) als p(ri)ncipael/ schulde(r) collart lankaert lampkaert wonen(de) inde p(ro)chie van meilhem/ t(er) plaetssen gheheeten alleit welken borghe de voirs(creven)wynne h(ier)af/ ghelooft heeft co(m)merloes ende schadeloes te houden(e) ende tontheffen(e) cor(am)/ berthem vos octob(ris) xxvi