It(em) de voirs(creven) lorain in pr(ese)nc(ia) heeft gheloeft den voirs(creven) collaerde lampkaert/ sine(n) borghe dat hij t(er) manissen desselfs collaerts hem t(er) vestich(eyt) der/ voirs(creven) gheluften van ontheffene met rechte setten sal ende in tijtle van/ onderpande v(er)oblige(re)n mett(er) wet van meylhem alle sijn goede en(de) have en(de) erve/ hem op den dach van heden toebehorende alsoe dat die goede pantbaer sijn/ sullen voir tghebreck der gheluften van ontheffen voirs(creven) op datt(er) e(n)nich/ ghebreck inne viele ende dair toe soe soe vele te doene dat den voirs(creven)/ collarde ghenoech sal sijn o(m)me d(aer) aen sijn ghebreck van ontheffen te/ verhalen ende te verreycken met coste ende co(m)me(r) cor(am) eisd(em)