It(em) nae dien dat jan uut den hove gheheeten zedelee(re) t(er) eenre ende/ qui(n)ten cokeroul en(de) jan meys inden name van hen selve(n) en(de) van/ weghe(n) hue(re)n medeplichte(re)n t(er) ande(r) zijde(n) come(n) sijn voir den raide/ vander stad kennen(de) de selve p(ar)tijen in beyden zijden dat een/ comestap tusschen hen gheschiet wae(r) alse van seven stuv(er)s de/ weke ten live des voirs(creven) jans uuten hove den selve janne alle/ weken te betalen(e) alsoe langhe hij leve(n) sal o(m)me een su(m)me va(n)/ hond(er)t guld(en) crone(n) oft die weerde dair af die de voirs(creven) jan zedelee(re)/ den vors(creven) qui(n)ten(e) ende sine(n) medeplichte(re)n voirs(creven) betalen sal Seggen(de)/ voort de voirs(creven) jan dat de voirs(creven) comestap niet dueghdelick en/ wae(r) ende hem beduchte dat die contrariere(n) soude den statuten/ vand(er) stad inhouden(de) dat me(n) voir elken pe(n)ninck van lijftochte(n)/ moet gheve(n) x ghelijker pe(n)ninghe(n) ende dese pe(n)ninghe van/ deser comestap soe hoghe niet en draghen Doe es ten uut(er)sten/ alle bescheyt ghehoirt sijnde ghet(er)mineert dat de voirs(creven) comescap/ wael passeren mach zonder den statute te c(ontra)rieren(e) oft den vors(creven)/ p(ar)tijen dair inne e(n)nichsins te misdoene cor(am) lyeminghe ouder(ogghe)/ burg(imagistris) et alliis de pleno consilio no(vem)[b(ris)] ix