It(em) godfroit dorbays en(de) marie sijn wijff wonen(de) te nethenen/ in jeg(enwordicheit) d(er) scepen(en) van loven(e) gestaen hebben v(er)huert en(de) bekint dat/ sij v(er)huert hebben laureyse van wynghe de goede hier ond(er) bescr(even)/ inden iersten een dach(mael) boschs gelege(n) inde p(ro)chie va(n) nethene(n) t(er)/ plaetsen gehete(n) sur le sa tusschen den bosch jans bleest(er) wile(n)/ toebehoren(de) den vors(creven) godfroide en beid(en) zijden It(em) ii dach(mael) en(de) xx/ roeden beempts geleg(en) inde selve p(ro)chie in ii stucke(n)/ d(aer) af deen stuc houden(de) i dach(mael) en(de) xx roede(n) es gelege(n) bide/ plaetse geheten stroebroe aen deen zijde en(de) de goede des heilichs/ geests van loven(e) aen dander zijde en(de) dand(er) stuc houden(de) i dach(mael)/ es gelegen bider plaetsen [rivie(re)n] geheten a rieu den mollijn gaende va(n)/ nethene(n) te weerde en(de) neve(n) de goede she(re)n van rode Te houden/ en(de) te hebben van opden dach van heden enen t(er)mijn van xxv jaren/ lanc due(re)nde deen nae dand(er) sond(er) middel volgen(de) voir eenen/ zeke(re)n prijs van gelde d(aer) af de vors(creven) gehuyssche(n) hen bekint/ hebben biden vors(creven) laureise volcomelic genoech gesciet te sijne/ den selven laureyse vanden selven prijse volcomelic quijtscelden(de)/ Geloven(de) de vors(creven) gehuysschen den vors(creven) laureyse vand(er) vors(creven)/ hueri(n)gen inne te staene en(de) tegen eene(n) yegeliken den t(er)mijn vanden/ xxv jaren vors(creven) gerecht warant te sijne cor(am) berthe(m) vos dec(embris) p(ri)ma