It(em) o(m)me den vors(creven) janne van chynnoet meerd(er) vestich(eit) vand(er)/ schult vande(n) xvii pet(er)s te doene heeft de vors(creven) jan coulon gelooft/ t(er) manissen des vors(creven) jans van chynnoet te comen(e) voir de wet/ van archenez en(de) den selve(n) janne van chynnoet alle sijn goide/ beyde have ende erve in behoirlijk(er) manie(re)n te v(er)oblige(re)n ende/ te v(er)onderpanden o(m)me de vors(creven) schult [met alle coste en(de) co(m)me(r)] ten vors(creven) valdaghe daer/ aen te verhale(n) alsoe v(er)re [dat] aenden vors(creven) janne coulon eenich/ ghebreck wae(re) cor(am) eisd(em)