It(em) meest(er) jan grauweels geheten van here meest(er) in arten/ renu(n)cie(re)nde de p(ri)vilegien en(de) vriheiden vand(er) univ(er)siteit der studie(n)/ van loven(e) van tgene des hier nae volght en(de) joffr(ouw) m(ar)griete/ gielijs sijn wijff docht(er) willems wilen gielijs in p(rese)nc(ia) (et)c(etera) hebben/ geloeft voir hen hue(re)n erve(n) en(de) naec(omelingen) lodewijke uut(er) helicht/ sinen erve(n) en(de) naec(omelingen) alse vanden leengoed(en) hier nae bescreve(n)/ te weten van twee laethoeve(n) met alle d(er) heerlich(eit) en(de)/ bedrive d(aer) toe behoe(re)nde d(aer) af deen gehete(n) is den laethoff/ vanden vynne en(de) dand(er) spaus laethoff met xxvi s(cellingen) goets/ gelts c en(de) x[½] thiene en(de) eene(n) halve(n) d(enier) bone c en(de) iii/ s(cellingen) borsgelts xxxvi cap(uynen) vi sacken en(de) drie v(ir)del va(n) eene(n)/ halst(er) corens d(er) maten van thiene(n) erfchijs en(de) pachts tot beide/ den voirs(creven) laethoeve(n) behoe(re)nde aen en(de) op div(er)se goede en(de) ond(er)/ pande div(er)se p(er)sone(n) toebehoe(re)nde te nederlinthe(r) en(de) d(aer) omtrent/ gelegen In welke goede vors(creven) de vors(creven) lod(ewijck) bide(n) vors(creven) gehuyssen/ voir den hee(re) van ned(er)linthre en(de) sine(n) ma(n)ne van leene gegoet/ en(de) geerft is altoes genoech te doene oft sij den selve(n) lodewijke/ in tgene des vors(creven) is yet te neuwe gedaen hadd(en) en(de) de vors(creven)/ goede voir vry en(de) ombeco(m)mert leen te warande(re)n alsoe dat/ den vors(creven) lod(ewijcke) voir hem sine(n) erve(n) en(de) naec(omelingen) tot ewigen/ d(agen) vast en(de) zek(er) sijn moge cor(am) g(odefrido) roelofs meld(er)t dec(embris) ix