SAL8140, Act: R°134.1-R°136.1 (230 of 468)
Search Act
previous | next
Act R°134.1-R°136.1  
Act
Date: 1470-12-20

Transcription

2020-11-11 by Dominique Van Daele
It(em) henric va(n) guetrode jan va(n) beert en(de) roelof va(n) erpe geswoe(re)n/
scatt(er)s d(er) stad van loven(e) in p(rese)nc(ia) hebben getuyght en(de) gedrage(n) nae/
dat sij va(n) hubrechte van berthem verstae(n) hadden dat hij alle de/
haeflike goede en(de) vliegen(de) erve die joese wile(n) va(n) berthem sinen/
sone en(de) marie(n) vand(er) balct sine(n) wijve toebehoe(re)nde en(de) te bevi(n)den/
wae(re)n inden huyse he(re)n gielijs vranx deken d(er) kerke(n) va(n) s(in)[te] peet(er)s/
te loven(e) toebehoe(re)nde gelegen te loeven(e) inde proefstrate voer sijn/
schult d(aer) inne de vors(creven) wile(n) joes en(de) sijn wijf gehoude(n) wae(re)n met/
genechte(n) met rechte uutgewonne(n) hadde en(de) acht(er)volgen(de) sine(n) uutwi(n)ne(n)/
hij de vors(creven) goede met rechte met v(er)coepinge(n) exeque(re)n woude en(de) ten/
hoechtsten bringhen dat sij scatt(er)s vors(creven) ten v(er)sueke des vors(creven) hubrechts/
gegae(n) sijn ten huyse vors(creven) ald(aer) sij de haeflike goede begrepen in/
eenre cedullen die de voirs(creven) scatt(er)s t(er) eenre en(de) de vors(creven) hubrecht/
t(er) ande(re) zijden te samen ov(er)gaven d(aer) af de teneu(r) h(ier) nae volght/
bevonde(n) hebben en(de) die bij en(de) op hue(r) eede vors(creven) gescat en(de) getax/
eert hebben t(er) so(m)men van c en(de) li blau crone(n) en(de) elc blauwe/
croene voir xl pl(a)c(ken) brabants gerekent en(de) niet hoge(r) gelijc/
de vors(creven) cedulle vand(er) haven h(ier) nae volght Ierst i laken/
scapreede It(em) een weke sidele It(em) eene(n) groete(n) brantroede It(em)/
i swerte clocke It(em) i swerte(n) vrouwe(n) crappruyn It(em) i boxhore(n)/
saerdge It(em) i blauwe saerdge met balken It(em) i grauwe saerdge/
met balken It(em) i roede saerdge met balke(n) It(em) i plein roede/
saerdge It(em) i lynen hymde met wa(m)men gevoedert It(em) i swert/
roxke(n) met roede(n) lakene gevord(er)t It(em) i blauwe(n) tabbaert doer/
houwen It(em) i swerte(n) tabbart doerhouwe(n) It(em) i tabbart doerhouwe(n)/
half swert half sangwijn It(em) i swerte(n) vrouwe(n) tabb(ar)t It(em) i/
swert paer mans couse(n) met witte(n) nestele(n) It(em) i swerte mans broeck/
It(em) wit stuc grau lakens i v(ier)del min da(n) iii elle(n) It(em) wit laken/
omtre(n)t ii elle(n) It(em) i kins ma(n)tel grau It(em) i ouder siede(n) mutske(n)/
It(em) vi roey cussene iiii oercussene It(em) i konijns pendeke(n) It(em) i/
vouwende rondeel It(em) iiii voetbancken It(em) ii bancke(n) in een coetse/
It(em) i te(n)ne(n) bert It(em) iii scrage(n) va(n) herde(n) houte It(em) iii drivoete(n) It(em)/
i gedraide(n) setel It(em) i ma(n)de met stroedelinge It(em) iiii brantroede(n)
//
It(em) i ma(n)de met erden werke It(em) v roeten kerssen It(em) i erdene(n) pot/
met ruwe(n) erwete(n) i swerte(n) mans crapruyn sond(er) tote It(em) een lantere(n)ne/
met eene(n) morsel stoeker i quaet ti(n)nen bert i quade(n) sadel It(em) i/
houtke(n) d(aer) me(n) spille(n) inne steet It(em) i koetse va(n) iii elle(n) met sine(n) bedde/
It(em) i coetse va(n) x vierdel met sine(n) bedde It(em) i wint(er) coetse mette(n)/
bedde It(em) i yse(re)n gheerde It(em) i yse(re)n ketene met eene(n) ringhe It(em) i quackel/
vet mette(n) bendere It(em) i voetboeghske(n) met ii cokers d(aer) niet inne en is/
It(em) i honthalsbant met i lecen It(em) ii heerhemerkens It(em) i houten/
kyndersweert ii stegelreepe(n) mette(n) ledere i wit buydelke(n) met iii/
kaetsballe(n) en(de) i slachbal It(em) i stuxke(n) alluyns It(em) iiii beeldekens va(n)/
halle en(de) va(n) halsberghe It(em) onse lieve vrouwe in een kesken va(n) loete/
It(em) noch een wit buydelke(n) met alrehanden quaden prousselynghe/
It(em) i nyeuwe(n) hemel It(em) ii roesters It(em) i hange(n)dyser ii yse(re)n braet/
panden clein en(de) groet It(em) i yse(re)n droeplepel It(em) i yse(re)n riexken/
It(em) i yse(re)n dobbele(n) lepel It(em) i yse(re)n pe(n)neke(n) It(em) ii yse(re)n schijven It(em)/
i wiege met eene(n) jh(esu)s It(em) i stramijn It(em) eene(n) asac met loeten/
gelde It(em) i boske(n) met cruyde ii coperen pa(n)nen i coepe(re)n vespaen/
i groete(n) swerte(n) ketel iiii swerte ketels iii witte ketels i plat/
becke(n) mette(n) lampette i diep bexken It(em) iii dobbel kendeleers/
latoene(n) iiii kendeleers latoene(n) i clein kendeleerke(n) latoene(n) i te(n)ne(n)/
kendelee(r) ii gebroke(n) kendeleers va(n) latoene i latoene(n) vurpanne/
i oescruyke va(n) matale i ketel pot i lavoir vii matele(n) potten/
vi gegote(n) roese scotele(n) i richtscotele gegote(n) vi gegote(n) co(m)mekens/
vi gegote(n) dobbeliere vi ti(n)ne(n) potte en(de) i waelputpot ii soutvate(n)/
ii wiwater vate vi roeste scotelen fijn ond(er) clein en(de) groet vi/
richtscotele(n) fijn xii co(m)mekens fijn vi dobbeliere(n) fijn xiii blau/
wollen ghaere(n) cluwen xvii cluwe(n) roet gare(n) wolle(n) gare(n) v/
groene clouwe(n) wolle(n) garen iii cluwen line(n) garens al te same(n)/
gebonden in een blau cleet v slepelakene ond(er) quaet en(de) goet/
It(em) v bueken op te slepene i quaet a(m)melaken i rescleet/
ii broeken It(em) a(m)melakene ongebeelt drie ii gebeelde a(m)melakene/
i dweelke(n) gebeelt ii reep dweele(n) ii vrouwe(n) voerscoede i/
bordeke(n) met i marie(n) beelde It(em) oircussen fouwijn i It(em) i lederen [vedelken]/
met sine(n) sonsgerecke [steikestiene] It(em) i erden flessche It(em) i gelas It(em) eene(n)/
asack met eene(n) blandereele ende een belle It(em) i teken yser
//
en(de) een witte belle It(em) i floiterken It(em) i busse [borsse] met poedere/
ii hoefysere It(em) i salede met eend(er) visiere(n) It(em) i vlaemssche/
huyve It(em) (½) treeft met eend(er) clincken It(em) i pansier sond(er) mouwe(n)/
m(aer) die mouwen sijn d(aer) bij It(em) noch een pansier It(em) i gorgye va(n)/
cleine(n) maelgen It(em) i gorgye met grove(n) maelgen ii gaerdebraetse(n)/
van plaeth(er)nassche It(em) i breeme opde(n) arm It(em) i lexpeke(n) mael/
hernasch eene(n) crijch mette(n) rieme eene(n) witte(n) breydel metten/
gebeele met eene(n) witte(n) getuyge i swert getuyge metten/
breydel sond(er) gebet It(em) i swert riemke(n) met eend(er) vremd(er) gespe(n)/
een lanche yser ii dagghen met eend(er) scheyen It(em) i hout halsbant/
i sweert met eend(er) gheeld(er) schey scheyen i groete(n) line(n) asack/
met ii wante(n) ii pair spore(n) eene(n) quade(n) roester i viersceppe/
i clein brant roedeken i tanghe eene(n) pollepel It(em) i lijne(n) beslach/
cleet eene(n) dwelier een swert coffer d(aer) inne eene(n) yvorie(n) cam/
een piliser iii quade vestele(n) een siden stertele noch i swarte siden/
stertele een paer hanscoen een borseken met legghelde iii/
bellen in een busse eene(n) lemmertijne(n) p(ate)r n(oste)r It(em) een doesken/
met prousselinghen It(em) i cruyt moeleken It(em) ii quade hanscoen/
met eene(n) quaden borseken It(em) i clein cofferke(n) gheel i pilis(er) i sene(n)/
salme en(de) i cleingebet It(em) een com coffer bi(n)ne(n) roet met iii/
steene(n) clein gare(n) iii soutvate(n) met hoghe dexele It(em) i quade/
borse met naelden en(de) ande(re) prousselinghe It(em) i swert satijnen/
borseke(n) d(aer) inne eene(n) coepe(re)n rinck It(em) i witte syruysvedere/
It(em) iiii(½)[c] spelle(n) d(aer) omtri(n)t i swert pat(er)nost(er)ken met roede(n) carale/
tekene(n) d(aer) inne i paer roeder hansscoen It(em) gayette(n) p(ate)r n(oste)r teke(n)/
iii palme(n) lepele i plat maelslot i clouwe(n) witte(n) twijn i clein/
leppeke(n) roets lakens en(de) sangwijn leppeke(n) i leppeke(n) swert/
damas met roede(n) liwate gevoed(er)t i wit damas leppeke(n) It(em)/
i copere(n) belle It(em) i swerte lieke i beenke(n) caraels It(em)/
i cruyt layke(n) met lintelke(n) cruyts It(em) eene(n) yse(re)n mortier mette(n)/
stoeter It(em) i laye va(n) scrijnhoute met twee eerde(n) beelde(n) i twine(n)/
huyve ii vouwen en(de) xii clein doexkens It(em) i sluyt corfke(n) d(aer)/
inne i ii quade broetmeskens iii du(n)ne vouwe(n) een rans/
beerdeke(n) xiiii stuckens quade duexkene It(em) i roet stuxke(n)/
line(n) lakens en(de) ii beeldekens ons vrouwe va(n) halle en(de) sinte hubrecht/
It(em) vii bladere pampiers It(em) iii oercusse(n) i bedde va(n) x vier/
dele met sine(n) hoetpoluwe met eene(n) groete(n) [groven] line(n) cleede
//
It(em) i bedde van ix vierdele gestrijpt It(em) i quaet beddeke(n) va(n)/
vii vierdele It(em) i vlashekele en(de) eene(n) morsel en(de) een yse(re)n stoeck/
gaffelle en(de) een slot van wed(er) scrinen It(em) i tritsoer It(em) een hange(n)de/
croenken It(em) i quade twyne(n) huyve It(em) ii paer sangwine(n) steecmouwe(n)/
It(em) i leppeke(n) roet bokerael i paer blauwer vrouwe mouwe(n) gesnede(n)/
en(de) ii oft iii stucke(n) blaus d(aer) inne It(em) i paer swert(er) vrouwe(n) mouwe(n)/
gescape(n) met ii leppeke(n) swerts noch i swerte mouwe ii pont/
rou line(n) garens It(em) i wit mendeke(n) met iii vogelshuyve(n) It(em) een/
clouwe(n) va(n) cleine(n) koerdekens It(em) i maelslot It(em) een clede met eend(er)/
vrouwe(n) aensichte It(em) i papier met huere(n) wapene(n) It(em) een eerden/
beelde va(n) ons(er) vrouwen It(em) noch cleyne pampiere(n) beeldekens/
aende want It(em) iii pile(n) met en(de) eend(er) borsen d(aer) toe hoe(re)nde It(em) eene(n)/
coker met v pilen en(de) eene(n) ruck d(aer)men peerde aenbint It(em) iii/
l(i)b(ra) vlas een vierdel min It(em) eene(n) schoef met spille(n) It(em) heybessen/
It(em) i clein clophemerken sond(er) steel It(em) i steyne(n) drincpot eene(n)/
spynrock met eene(n) standarde en(de) met eene(n) wympel It(em) iiii gelase/
deen es gebroken It(em) een cruesken It(em) i hael en(de) i wafelys(er)/
It(em) noch iiii pampiere(n) beeldekens It(em) i blau gordine It(em) i clein/
wit gordijnken It(em) eene(n) gefronste(n) cleinen voerschoet It(em) i vrouwe(n)/
kydel It(em) i mans hymde It(em) ii stucke(n) lijnwaets houden(de) omtre(n)t/
xxvi ellen It(em) i paer doerbreder slapelakene It(em) noch iii paer/
slapelakene It(em) iii bueken opte slapene i busselke(n) kinsdoeke(n)/
It(em) i reep van loewate It(em) vi l(i)b(ra) line(n) garens op cluwen/
gewonden It(em) i witten buydel van eend(er) fuy(re)nen [vacat] met ald(er) hande/
quade louwate en(de) d(aer) inne een borsse met pilis(er)s en(de) i quade/
bonte coliere en(de) leppekens van wolle(n) lakene It(em) i houten/
vlessche It(em) een roet buydelken met lintelke(n) pluyme(n) It(em) iii/
houte(n) haspe een quaet cledeken It(em) i leere(n) roxken It(em) i hant/
bijlken ii gelase een couworden flessche en(de) i gelase(n) flessche/
It(em) i gebondene(n) boexkens met dietschen gebedekens It(em) i q(ua)rt/
spel It(em) v stucke(n) van vorme(n) It(em) i scriftoer It(em) ii clein blau/
boppruynkens It(em) eenen coker van leere met iiii hoetbotte(n)/
en(de) met ii pile met platte(n) ysers en(de) eene(n) rinc d(aer)me(n) p(er)de aen bint
//
en(de) een quaet kisteke(n) It(em) i roede(n) vrouwe(n) tabb(ar)t niet gefineerde It(em)/
i sangwine(n) tabb(ar)t met eene(n) bonte(n) pelsse graubont It(em) eene(n) swerte(n)/
tabbart met eene(n) soere(n) pelsse It(em) eene(n) sangwine(n) coers met eene(n)/
conine(n) pelsse It(em) eene(n) roeden mans tabbart met rugge(n) van/
vissen gevoedert It(em) eene(n) mans tabbart sangwijn met witten/
wolle(n) lakene gevoed(er)t It(em) i roet tawerdeke(n) ynkel It(em) een out/
wambey(er)s It(em) een stoelken met iiii pickelen It(em) i drivoet It(em) i/
benxken voir die wint(er)coetse It(em) een busse met ii ving(er)hoeden/
en(de) iii bickelsteene(n) It(em) een heyse va(n) eene(n) emere It(em) noch een/
stuc ysers It(em) eene(n) bessem met eene(n) stele It(em) iii yseren scakele/
van eend(er) ketene(n) It(em) i quaet blau hoeyxken [hoedeken] It(em) vii tynne(n) lepels/
ond(er) gebroken en(de) geheel It(em) een swert zijden webbe beslagen/
met silv(er) vergult Welke schettinghe aldus gedaen sijnde/
seide en(de) v(er)cleerde de vors(creven) hubrecht dat hij den vors(creven) roeden/
tabbart mette(n) fineerde tswert sijden webbe beslage(n) met silver/
v(er)gult den roeden mans tabbart met rugge(n) va(n) vissen gevoedert/
en(de) de(n) vors(creven) mans sangwine(n) tabb(ar)t met wolle(n) lakene gevoed(er)t/
ond(er) de vors(creven) haeflike goede begrepen en(de) bescr(even) bevonde(n) heeft/
bid(er) vors(creven) marie(n) v(er)sedt te lombarde(n) te lov(en) voir vi rins gul(den)/
te xx stuv(er)s stuc en(de) vi peet(er)s te xviii stuv(er)s stuc en(de) heeft/
die ald(us) gequete(n) en(de) betaelt tp(ri)ncipael gelt te wete(n) vi/
rins gul(den) vi peet(er)s elke(n) rins gul(den) en(de) elke(n) peet(er) gerek(ent) als/
voe(r) met gad(er)s den woekere iii croene(n) iiii stuv(er)s hoe wale/
nochta(n) den woeker vanden tijde hog(er) gedroech Tot dien/
ynde dat den selve(n) hubrechte de vors(creven) vi rins gul(den) vi/
peet(er)s iiii croene(n) iiii stuv(er)s ten afslage moge(n) come(n) vand(er) so(m)me(n)/
van c en(de) li blau croene(n) vors(creven) d(aer) op de vors(creven) goede gescat/
en(de) getaxeert sijn gelijc vors(creven) steet cor(am) tybe burg(imagistr)[o] oppen(dorp)/
vos scab(inis) dec(embris) xx
Contributorskristiaan magnus
Moderated bykristiaan magnus
Last update: 2018-08-13 by The Administrator