SAL8140, Act: R°88.1 (158 of 468)
Search Act
previous | next
Act R°88.1  
Act
Date: 1470-10-15

Transcription

2020-05-22 by Dominique Van Daele
Allen den ghenen die dese l(ette)ren sullen sien oft hoe(re)n lesen bug(er)meest(ere)n scep(enen)/
ende raid der stad van loven(e) saluyt met kennissen der wairh(eit) doen te weten(e) dat/
op heden voir ons come(n) es in p(ro)pren p(er)soene segher wecke van bruessel/
als wettich man ende momboir katline(n) bogaerts sijns wijfs docht(er) jans wijlen/
bogaerts ende heeft in alle der best(er) forme(n) ende manie(re)n soe dat nae recht/
best mach diene(n) ende behoe(re)n gheconstitueert ghesedt ende volcome(n) macht/
en(de) auctoriteyt ghegeve(n) vrancken bogaerts sine(n) oem om alsulken saken als/
ghepoort oft hangen(de) sijn oft hanghen(e) sulle(n) moghen voir meye(r) en(de) scepen(en)/
van loven(e) tussche(n) den selve(n) seghe(re)n in deen zijde ende janne diericx/
gheheete(n) vander monct in dand(er) zijde soe v(er)re hem die aencleve(n) moge(n)/
van zeke(re)n pe(n)ninghen die de voirs(creven) jan diericx schuldich es uut zaken/
van zeke(re)n goeden bij wijlen katline(n) bogaerts moye der voirs(creven) katline(n) bogaerts en(de)/
zust(er) des voirs(creven) vrancx den voirs(creven) janne diericx vercocht In aenlegg(er)s/
oft verweerd(er)s stat te bedingen(e) te verantw(er)den ende met alle t(er)mijne van rechte/
te v(er)volgen(e) voir meye(r) ende scepen(en) van loven(e) die te wynnen(e) en(de) te v(er)liesen(e)/
thonisse(n) ende wairheid(en) te leyden ende die ghetuyghe(n) der wed(er)p(ar)tije(n) te siene/
en(de) te hoe(re)n swe(re)n die te rep(rodu)ce(re)n vo(n)nissen ende senten(cie) d(aer) af teyssche(n) aen te/
horen ende te v(er)wachte(n) Ende voort allet ghene h(ier) inne te doene ende/
te vorde(re)n dat de voirs(creven) zeg(er) in desen zaken oft hij p(rese)nt wae(r) soude conne(n) oft/
moghen doen in e(n)nig(er) wijs p(ro)mitt(ens) rat(um) cor(am) roelants burg(imagistro) roelofs oppend(orp)/
scab(inis) octob(ris) xv
Contributorskristiaan magnus
Moderated bykristiaan magnus
Last update: 2018-08-13 by The Administrator