It(em) de voirs(creven) jan van langhendonck henrick vander molen claes drabbe/ ende cornelijs tielis in p(rese)nc(ia) hebben malcande(re)n ghelooft ende toegheseet/ oft aenden voirs(creven) woute(re)n crabbe e(n)nich ghebreck viele inder betalinghe(n)/ der voirs(creven) lijfpens(ien) oft bewijsenisse der selv(er) Ende de voirs(creven) borghen oft/ e(n)nich van hen uut ocsuyne der selv(er) voirder ghepraempt oft belast/ wordde dan elck voir sijn vie(re)ndeel der selv(er) dat sij malcande(re)n dair af/ ten ghelijken laste inne staen sullen met alle coste ende co(m)me(r) ende dair toe/ soe vele doen dat elck van hen vie(re)n met sine(n) vie(re)ndeele ghestaen/ sall t(er) goeder meyni(n)ghen ende zond(er) argelist cor(am) eisd(em)