Vander aenspraken die pauwels steenhout van loppoingne ghedaen heeft/ voir meye(r) ende scepen(en) van loven(e) inde banck ald(aer) tot loreine p(er)ron/ alse van iiii peet(er)s die hem de voirs(creven) pauwels eisschen(de) was van eene(n)/ p(er)de dwelc de voirs(creven) lorie lorein teghen hem ghecocht hadde ende dair/ af den dach van betalinghen was tsinte jansmisse lestleden Bieden(de) de/ voirs(creven) lorein dat te thoenen(e) Dair op de voirs(creven) lorein antw(er)de/ bekinnen(de) de voirs(creven) comescap gheschiet te zijne ghelijck voirs(creven) steet/ mair seyde dat hij den voirs(creven) loreine dair af wel betaelt hadde/ p(rese)nteren(de) dair af te doene sine(n) eedt ten heylighen Es ghewijst/ wair de selve pauwels sine(n) eedt doet soe hij gep(rese)nteert heeft dat/ hij der aenspraken onghehouden sijn sal cor(am) om(n)ibus scabinis in scampno/ dempto pynnoc novembr(is) xxii