Allen den ghenen die dese l(ette)ren sullen sien oft hoe(re)n lesen burg(er)meeste(re)n (et)c(etera)/ saluyt (et)c(etera) Doen te weten(e) dat opden dach van heden [voir ons] comen es in p(ro)pren/ p(er)soene meest(er) augustijn natte doctor in loye inden name van hem/ selve(n) ende inden name ende als p(ro)cur(eur) van joffrouwen jeha(n)nijne(n) sijnre/ wettig(er) huysvrouwen docht(er) joffrouwe(n) marie(n) wijlen madea zust(er)s barth(elmeeus)/ wijlen madea ende heeft in ald(er) best(er) forme(n) ende manie(re)n soe dat nae recht/ best mach diene(n) [en(de) behoren] oppenbairlijken gheconstitueert ghesedt ende volcome(n) macht/ p(ro)curacie p(ro) en(de) auctoriteyt ghegeve(n) zonder e(n)nich wederroepen claese scrybaen/ clerck opt regist(er) der stad van loven(e) alle ende yeghewelke sijn saken jairgulde(n)/ schulden opcomi(n)ghen p(ro)fijten v(er)vallen goede beruerlijcke ende omberuerlijcke/ chijsen renten pachten die hij selve nu heeft oft naemaels vallen mochte(n)/ oft toecome(n) bynnen desen lande oft dair buyten hoedanich die sijn het sijn/ chijsgoede leene eygen(en) oft ande(re) ende tot wat steden oft plaetssen dat/ dat wesen mochte in e(n)nig(er) manie(re)n Te verwaren te manen te/ eysschen opte bue(re)n ende te ontfanghen teghen oft aen wat p(er)soene(n)/ dat dat sijn mach dair voe(r) te panden(e) te dagen(e) te beleyden en(de)/ rastementen te doen leggen die met rechte te exeque(re)n te v(er)volgen/ en(de) te vorde(re)n alle brieve met rechte te vo(n)nissen nae costume ende/ ghewoenten vand(er) plaetssen dair dat behoe(re)n sal oft behoeve(n) soude/ moghen Ende op dats noot ghebuerde voir alle richte(re)n gheestelijck/ en(de) weerlick die zaken te co(n)testeren(e) te declineren(e) te excipieren(e) te reco(n)venie(re)ne/ te v(er)antw(er)den(e) te bescudden(e) te bedingen(e) alle gescriften en(de) libelle over/ te gheven(e) te nemen(e) te repliceren(e) de duplice(re)n alsoe wel int p(ri)ncipael/ als int accessoir alsoe dicke ende menichwerve(n) als des te doen sal sijn/ ghetuyghen met rechte v(er)sueken bedwonghen te wordde(n) tot huer deposicie(n)/ en(de) die te leyden der wederp(ar)tijen ghetuyghen te sien sweren die te batte(re)n/ en(de) hue(r) deposicien te wederleggen altijt als des behoeve(n) en(de) gelijck dat/ behoe(re)n sal Al des voirs(creven) steet alsoe wel de beruerlijke goede chijse/ renten ende pachten voirg(eruert) als and(er)s met rechte te wynnen te v(er)liesen/ de zaken bij beroepe oft appellacien te mogen v(er)volghen die vo(n)nissen van dien/ alsoe wale int(er) locutore als diffinitive te v(er)wachten(e) tghewijsde met hen tev(er)volge(n)/ en(de) te doen exeque(re)n en(de) teghen hen van sine(n) inheffen ende den voirs(creven) goeden/

te voldoen alle behoirlijke eede inden name van ons en van onsen weghe(n) [meester augustijns vorscr(even)]
//
te doen oft sijne(n) wed(er)p(ar)tijen ov(er)[te]gheven(e) alle beneficien van rechte/ aen onsen ghened(ichen) hee(r) sine(n) raide oft elswair dair dat behoeve(n)/ soude moghen te verwerve(n) composicie ende mynlijke yffeni(n)ghe/ van al des voirs(creven) es te maken den schuld(er)s van des hij ontfa(n)ge(n)/ sal te quite(re)n ende quitan(cie) te gheven Ende voort alle de voirs(creven)/ goede beruerlijck ende omberuerlijck chijse renten en(de) erfpachten/ hoedanich die sijn in al oft in deele met den ghenen die de selve/ meest(er) augustijn met behoirlijker p(ro)curacie(n) hem dair toe mede/ vueghen ende adju(n)ge(re)n sal te v(er)coepen te v(er)tieren te v(er)ande(re)n te/ belasten de selve omberuerlijke goede ten erfchijse ende erfpachte/ uut te gheven(e) alle guedingen ende behoirlijke vestich(eit) dair af/ te doene ende te ontfaen dair op ende dair af behoirlijke te/ werpen te v(er)thijden ende waerscap ende ghenoech doen dair af/ te doen ende te gheloven al nae costume ende ghewoente vanden/ plaetsen dair dat behoe(re)n ende behoeven soude moghen oft dair/ die goede chijsen renten ende erfpachten gelegen wae(re)n Ende/ dae(re)nbove(n) de selve omberuerlijke goede te v(er)pachten te v(er)hue(re)n/ oft and(er)ssins met jairscharen uut te gheven Ende voirtaen g(e)ne(ra)lick/ ende sp(eci)alick allet ghene dair inne te doen en(de) te v(er)orderen(e) dat/ de voirs(creven) meest(er) augustijn selve soude moghen doen oft vorde(re)n/ in e(n)nig(er) manie(re)n waert dat hij telker [tijt en(de)] plaetssen tegew(er)dich ende/ vor oegen wae(r) En(de) dat de selve claes scrybaen voirt in al/ des voirs(creven) steet ende in elck besundert eene(n) oft meer substitue(re)n sall/ moghen van sijnre hant alst hem ghelieft Ghevende de voirs(creven) meest(er)/ augustijn den selven ghesubstitueerden ende elken van hen volcomen macht/ p(ro)curacie ende auctoriteit als voe(r) te doen ende te vorderen Te weten(e)/ ond(er) v(er)coepinghen oft belastinghen metten gheadju(n)geerden voirs(creven) ende/ voort allet ghene and(er)s te doene des de voirs(creven) meest(er) augustijn/ bij hem selven soude moghen doen in e(n)nig(er) manie(re)n ende soe wes/ bijden voirs(creven) claese oft sine(n) gesubstitueerde(n) in e(n)nich van des voirs(creven)/ steet begonne(n) oft inne ghesteken wae(r) van recht vorderinghen
//
oft and(er)s dat dat dande(re) van hen sal moghen volynden/ voorts vorde(re)n middelen laten compone(re)n ende vervolgen/ zonder yemants wederseggen Gheloven(de) voir ons in goeden/ trouwen de voirs(creven) meest(er) augustijn opde verbyntenisse/ van allen sine(n) goeden tegewoirdich(eit) ende toecomende v(er)crege(n)/ oft te vercrijghen beruerlijck ende omberuerlijck hoedanich die/ sijn wair sij ghelegen sijn oft bevonden mochten wordden goet/ vast ghestentich(eit) onv(er)brekelijck ende van weerden te houde(n)/ tot ewighen daghen voir hem sine(n) erven en(de) naecomelinge(n)/ allet ghene des bijden voirsc(reven) p(ro)cur(acie) oft sine(n) ghesubstitueerde(n)/ oft den eene(n) van hen in des voirs(creven) steet e(n)nichsins ghedaen/ ende gevord(er)t sal wordde(n) Renu(n)cieren(de) tot desen de voirscr(even)/ meest(er) augustijn van allen behulp en vrijheyden en(de) p(ri)vilegie(n)/ v(er)creghen oft te v(er)crijghen van wat hee(re)n gheestelijck oft/ weerlijck dat het zij die sijn oft e(n)nich van hen [hij] teghen dinhout/ des(er) p(ro)curacie(n) sueken oft te baten neme(n) mochten in e(n)nig(er) manie(re)n/ alle fraude ende argelist uutgescheyde(n) cor(am) tybe burg(imagistr)[o] vos/ wynghe scab(inis) decemb(ris) iii