It(em) henric leemans sone jans leemans in p(rese)nc(ia) heeft genome(n) en(de) bekint dat hij/ genome(n) heeft va(n) meest(er) ja(n)ne calaber secretar(is) d(er) stat van loven(e) thof vand(er)/ meertshove(n) des vors(creven) meest(er) jans met sine(n) toebehoerte(n) h(ier) nae bescr(even) Te wete(n)/ mette(n) huysinghe(n) hove(n) stallen schue(re)n uutgenome(n) den steen en(de) de roede came(r)/ tot behoef desselfs meest(er) jans Te wete(n) mette(n) twee cleinen beemde(n) en(de) mette(n)/ arde vand(er) heiden metten wynnen(de) lande mette(n) beempde gehete(n) den palsrot/ en(de) mette(n) groote(n) beemde gehete(n) den ham en(de) die vesscherie vand(er) laken Te houde(n)/ en(de) te hebben va(n) half m(er)the naestcom(ende) eene(n) t(er)mijn van vi jare(n) lanc due(re)nde/ deen nae dand(er) sond(er) middel volgen(de) elx jaers dae(re)n binne(n) Te wete(n) thoff/ mette(n) twee cleine(n) beemde(n) en(de) den art vand(er) heiden voe(r) en(de) o(m)me xvi hollan(sche)/ gul(den) te xvi stuv(er)s stuc den vors(creven) beemt gehete(n) den palsrot voir xvi hollan(sche)/ gul(den) den groete(n) beemt gehete(n) den ham voir xxx hollan(sche) gul(den) en(de) de vors(creven)/ lande voir vi mudde(n) corens goet en(de) paiabel met wa(n)ne en(de) met vede(re)n wel/ bereit d(er) maten van loven(e) en(de) de vors(creven) vesscherie vand(er) laken om ii holl(ansche)/ gul(den) en(de) die hoeve geheete(n) die aerschotsche puele om eene(n) gul(den) hollan(sch)/ sond(er) vesscherie welke vesscherie den vors(creven) meest(er) ja(n)ne toebehoert sond(er) den wi(n)ne/winghe d(aer) inne gericht te sijne behoudelic dat de selve wi(n)ne totten/ hollan(sche) gul(den) vors(creven) jairlix tot sine(n) laste mede gelden sal den chijs jairlix uute(n)/ selven puele gaende Te betalene te weten tvors(creven) gelt sinte m(er)tensmisse/ en(de) te loven(e) te leve(re)n en(de) tvors(creven) core(n) sint andriesmisse en(de) taerschot te leve(re)n/ den vors(creven) meest(er) ja(n)ne alle jae(re) den vors(creven) t(er)mijn due(re)nde en(de) telke(n) t(er)mijne als v(er)volghde/ schout h(ier) inne als vanden vors(creven) corene coere(n)ne bevorwert oft enige ta(m)peest/ hagelslach oft meswas va(n) coere(n)ne gebuerde alsoe dat die wyn bove(n) de(n) tax va(n)/ redelike(n) broetcore(n)ne negheen coren en hadde oft min da(n) vi mudde(n) bove(n) den tax/ vors(creven) dat hij dan den pacht va(n) vi mudde(n) corens in coere(n)ne betale(n) sal soe/ v(er)re hij dat heeft en(de) van des d(aer) aen voert gebrect sal hij voer elc mudde gebreken(de)/ mogen betale(n) xxviii stuv(er)s en(de) niet meer al waert oic also dat tcore(n) tot/ meerde(re)n prijse gelden(de) wae(r) Met vurwerd(en) dat de vors(creven) wi(n)ne de vorscr(even)/ lande wel en(de) loflic sal wi(n)ne(n) werve(n) en(de) mesten en(de) gemest en(de) besayt laten/ te wete(n) dbogaert bloc en(de) dwijng(ar)t bloc stoppele besayt en(de) theybloc int mest/ besayt en(de) allet stroe te meste make(n) alle jae(re) den vors(creven) t(er)mijn due(re)nde en(de)/ dmest inde(n) leste(n) jae(r) late(n) alsoe vele d(aer) me(n) mede vi dach(mael) loflike(n) meste(n) mach/ En(de) tot desen sal hij dmest vand(er) scaep coeyen laten inden hove en(de) d(aer) voe(r) sal de/ vors(creven) meest(er) jan den vors(creven) wi(n)ne afslaen ten lesten jae(r) vi hollan(sche) gul(den) It(em) sal/ de win vors(creven) de vors(creven) goede en(de) warande wel en(de) loflic benede(n) en(de) opgrichte(n)/ bethuyne(n) en(de) beluyken en(de) also bevreedt en(de) betuynt late(n) tot sine(n) afsceiden(e)
//
Behoudelic dat meest(er) jan hem den loeck en(de) stoffe d(aer) toe/ sal leve(re)n en(de) doen truncke(n) op sine(n) cost en(de) t(er) eerde(n) vellen en(de)/ van daer voert sal die wyn de stoffe halen en(de) vue(re)n d(aer)/ die te besigen sal sijn It(em) sal de wynne soe wa(n)neer meest(er)/ jan heeft doen truncke(n) die poten sette(n) d(aer) he(m) meest(er) jan dat/ bewise(n) sal It(em) sal de selve wy(n)ne jairlix leve(re)n iii[c] walme/ o(m)me de huyse mede te deckene en(de) alsme(n) die v(er)dect sal hij/ den wercliede(n) den montcost geve(n) en(de) meest(er) ja(n) sal die dachue(re)n/ betale(n) en(de) de wy(n)ne sal de vors(creven) huyse houde(n) vand(er) ond(er)ster/ rekele(n) ned(er)weert in goede(n) state op sine(n) cost It(em) alsme(n) aldair/ dect plect oft medst het sij va(n) ouwen oft va(n) nuwe(n) werke/ sal de wy(n)ne den leem en(de) steene hale(n) en(de) tcapstroe geve(n)/ It(em) sal de selve wy(n)ne de grechte(n) en(de) vorle(n) vande(n) vors(creven)/ goede(n) die meest(er) jan nu heeft doen r(e)pare(re)n also gerepareert/ in goede(n) state houde(n) en(de) dande(re) die niet gerepareert en sijn/ houde(n) en(de) v(er)make(n) in redelike(n) state En(de) oft meest(er) jan die/ ande(r) grechte(n) doet h(er)make(n) bi(n)ne(n) den vors(creven) t(er)mijne so sal se/ de wyn oic houden ind(en) selve(n) alsulke(n) state va(n) goeder/ r(e)p(ar)acie(n) It(em) sal de wi(n)ne de(n) selve(n) meest(er) ja(n)ne jarlix doen iiii/ carweydaghe in alsulke(n) sake(n) als meest(er) ja(n) te doen hebbe(n) sal/ en(de) oic sijn wijng(ar)t stake(n) tot langdorp langdorp jarlix op sinen/ wijng(ar)t vue(re)n It(em) oft meest(er) ja(n)ne geliefde tege(n) dwat(er) te dikene/ om de beemde en(de) goede mede te bescudde(n) dat de wi(n)ne de/ resschen d(aer) toe vue(re)n sal en(de) halen It(em) es vurw(er)de dat negeen beeste(n)/ dan peerde inde(n) bosch en sulle(n) moge(n) gaen en(de) scape inde(n) wynt(er)/ alleene en(de) dat de wyn va(n) nyeman(de) and(er)s scape en sal/ moge(n) houden noch huyde voirt v(er)hue(re)n noch mayen om te/ v(er)copene It(em) sal de vors(creven) meest(er) ja(n) de(n) wyn jarlix te paessce(n)/ geve(n) ii elle(n) lakens teene(n) tabb(ar)de te make(n) En(de) alle dese/ vurw(er)d(en) gelufte(n) en(de) (con)dicie(n) heeft geloeft de vors(creven) wi(n)ne/ de(n) vors(creven) meest(er) ja(n)ne geloeft wael en(de) volc(omen) te voldoene (et)c(etera)/ cor(am) oppend(orp) abs(oloens) julii vi[a]