It(em) de voirs(creven) marten vander eycken in deen zijde ende lodewijck/ baets in dande(re) zijde in p(rese)nc(ia) der scepen(en) van loven(e) ghestaen/ sijn met malcande(re)n ov(er)come(n) ende eens wordde(n) alse van alsulken/ drie peet(er)s xviii stuv(er)s voir elken peet(er) gherekent lijft(ochten) die willem/ maes gheheeten van wijtfliet ende joffr(ouwe) katline vand(er) weefst sijn/ wijff tot huer(er) beyder live ende des lanxten leven(de) van hen beyden alle/ jaire te kersmisse vallen(de) heffende ende hebben(de) sijn aen ende op huys en(de)/ hoff met sine(n) toebehoirten dwelck de voirs(creven) m(er)ten vander eycken h(ier)/ voirmaels teghen den voirs(creven) lodewijke ten erfchijse ghecocht ende/ ghenome(n) heeft gheleghen bijde vedem(er)ct acht(er) den salm tusschen/ de goede cornelijs vander ca(m)men poerter in deen zijde ende de goede/ peet(er)s vanden berghe witledermak(er)s zijde in dand(er) zijde ende van/ alsulken ii(½) peet(er)s erfl(ick) xviii(½) stuv(er)s voir elken vand(en) selve(n) ii(½) peet(er)s/ gherekent alle jaire opden sesten dach van februario vallen(de) die de/ voirs(creven) lodewijck baets alnoch aen ende op tvoirs(creven) huys ende hoff des/ voirs(creven) m(er)tens heeft ende houden(de) es de vurw(er)den h(ier) nae besc(re)ven/ Te weten(e) dat de voirs(creven) m(er)ten jairlix te kersmisse alse vanden voirs(creven)/ drie peet(er)s lijft(ochten) ghelden ende betalen sal de twee peet(er)s x st(uvers)/ ende een oert stuv(er)s d(aer) af ende niet meer Ende soe wanneer tsurpl(us)/ voorts vanden selve(n) drie peet(er)s ghebreken(de) sal de vors(creven) lodewijck/ tot sine(n) laste ghelden dragen ende betalen tott(er) tijt toe ende wijlen/ dat die selve drie peet(er)s mids doode der voirs(creven) ghehuysschen/ v(er)storve(n) sijn sullen oft tott(er) tijt toe dat die den selve(n) lodewijke/ ghelieve(n) sal te quijten ende afte legghen ende dien tijt due(re)nde
//
sal de voirs(creven) m(er)ten onghehouden sijn ende blive(n) aen den voirs(creven) lodewijke/ ende sine(n) naecomelingen als vanden voirs(creven) ii(½) peet(er)s erfl(ick) e(n)nighe(n)/ chijs te betalen Ende de voirs(creven) lodewijck sal aenden voirs(creven) m(er)ten(en)/ ende sine(n) erve(n) ende naecomelingen onghepraemt sijn ende blive(n)/ vand(er) gheluften van waerscape der voirs(creven) goeden bijden selven/ lodewijke dair af ghedaen alsoe v(er)re die aentangeert den drie/ peet(er)s lijft(ochten) voirs(creven) ende niet voirder met vurw(er)den soe wa(n)neer/ de voirs(creven) lijft(ochten) verstorve(n) sijn sal oft bijden voirs(creven) lodewijke afgeq(ui)te(n)/ dat van dan voirtaen de selve lodewijck de voirs(creven) sijn ii(½) peet(er)s/ erfl(ick) aen de voirs(creven) goede wed(er)o(m)me jairlijx heffen ende bue(re)n sal/ Ende de voirs(creven) m(er)ten sal sal alsdan bynne(n) jairs dair nae ghehoude(n)/ sijn aenden selve(n) lodewijken af te quijten ende af te leggen met/ vollen pachte als vand(er) selve(r) ii(½) peet(er)s erfl(ick) voirs(creven) den halven/ peet(er) d(aer) af gheloven(de) de voirs(creven) p(ar)tijen in beyden zijden de vors(creven)/ vurw(er)den ende (con)di[cie(n)] malcande(re)n tond(er)houde(n) ende te voldoene en(de)/ telken t(er)mijne als v(er)volghde schout cor(am) alsoloens lynden dec(embris) xix