It(em) want stoet ende tebat v(er)resen sijn gheweest tusschen stasse roelofs/ becke(r) in deen zijde ende ja(n)ne van thienen cleed(er)make(r) in dand(er) zijde van/ huer beyder goeden ende huysen bij een gheleghen inden coertten bevel/ tussche(n) die goede andries de nausnide(re) in deen zijde ende de goede henr(ix)/ van lynthe(re) in dand(er) zijde Soe hebben hen de voirs(creven) p(ar)tijen in beyden zijden/ eendrechtichlijken ghekeert ende gesubmitteert in willem(me) die beer matheeuse/ de layens ende in jacoppe vand(er) vesten der stad meeste(re)n van loven(e) ende/ gesworen(en) wercliede(n) op alsulken vurw(er)de dat de voirg(enoemde) meeste(re)n vand(er)/ voirs(creven) p(ar)tijen informacie genome(n) hebben(e) huer uutsprake d(aer) af doen/ sullen bynne(n) xiiii nachte(n) naestc(omende) mett(er) sonne(n) p(ro)mitten(tes) rat(um) cor(am) oppend(orp)/ abs(oloens) m(ar)tii xxviii