It(em) jacop edelhee(re) vetwarier in p(rese)ncien d(er) scepen(en) van loven(e) gestae(n)/ heeft uutgegeve(n) ende bekint dat hij uutgegeve(n) heeft voir hem sine(n)/ erve(n) en(de) naecomelinghe(n) laureyse rousse wa(n)nemake(r) sinen erven en(de)/ naecoemelinghen een huys met sinen toebehoerte(n) gelege(n) opde merct/ te loven(e) tussche(n) de goede reyneers wijle(n) va(n) nyele in deen zijde/ en(de) de goede des vors(creven) jacops edelhee(re) die toe te behoe(re)n plage(n) wille(m)me/ wile(n) edelhee(re) sine(n) vad(er) in dand(er) zijde erflic te houde(n) en(de) te besitte(n)/ op alle den co(m)me(r) en(de) last d(aer) voe(r) uutgaende te wete(n) de helicht va(n) lxxx/ oude groete(n) erfchijs d(er) kerke(n) va(n) sinte peet(er)s te loven(e) te betale(n) d(aer)/ af thuys des vors(creven) wile(n) reyneers va(n) nyele d(aer) bij gelege(n) dand(er)/ helicht sculd(ich) is te betale(n) een l(i)b(ra) pay(ment) den cloeste(r) va(n) sinte g(er)trud(en)/ te loven(e) ii gul(den) rijd(er)s erfchijs die h(er) wille(m) edelhee(re) p(rie)ste(r) opde/ selve goede h(ier) voermaels v(er)crege(n) heeft i(½) rijd(er) xxiiii(½) stuv(er)s/ en(de) xiii gr(oeten) pay(ment) gemenelic in borse(n) gaende erfchijs d(er) capelle(n)/ va(n) s(in)[te] loys te lov(en) ten behoirlike(n) en(de) gewoenlike(n) tijde(n) te betale(n)/ En(de) voirtaen op viere gul(den) rijd(er)s d(er) mu(n)te(n) h(er)toge ph(ilip)s wile(n) h(er)toge/ va(n) bourg(oig)[ne(n)] en(de) va(n) brabant va(n) goude goet en(de) ginge en(de) twee/ stuv(er)s d(er) selv(er) mu(n)ten erfchijs en(de) rinte(n) alle jae(re) te kers(misse) te betale(n)/ den vors(creven) jacoppe edelhee(re) en(de) sine(n) naecomelinge(n) erflic toecomen(de)/ tijde(n) dierste betalinge h(ier) af va(n) kersmisse naestcomen(de) over/ jaer en(de) niet eer En(de) op dese(n) chijs en(de) recht vors(creven) heeft geloeft/ de vors(creven) jacop edelhee(re) den vors(creven) laureise rousse en(de) sine(n) naec(omelin)[ge(n)]/ de vors(creven) goede va(n) alle(n) and(ere)n impedime(n)te(n) en(de) calaengie(n) voirtaen/ te wara(n)de(re)n en(de) hem d(aer) af altoes genoech te doene also dat/ hem dat tot ewige(n) dage(n) vast en(de) genoech sijn moeghe/ Met vurwerd(en) dat de vors(creven) laureys den vors(creven) chijs vande(n) iiii gul(den)/ rijd(er)s en(de) twee stuv(er)s quite(n) en(de) losse(n) mach alst hem gelieft teene(n)/ male oft te twee male(n) m(aer) en mach de selve laureys niet/ min afquite(n) dan deen helicht d(aer) af teene(n) male en(de) elken pe(n)ni(n)c/ d(aer) af met xviii gelijke pe(n)ni(n)ge(n) en(de) met volle(n) chijse met (con)dicie(n)/ dat ten tijde vand(er) afquiti(n)ge(n) vande(n) selve(n) iiii rijd(er)s en(de) ii stuv(er)s/ de vors(creven) laureys alleene tot sijnre cost en(de) last de pontpe(n)ni(n)ghe/ int geheel gelden ende betalen sall opde erfvuwerd(en) en(de) (con)dicie(n)
//
h(ier) nae bescreve(n) Te wetene dat de vors(creven) laureys noch/ sijn naecomelinghe(n) tot gheenre plaetsen op de vors(creven) sijn/ goede ten goeden weert aen des vors(creven) jacops [d(aer) neve(n) gelege(n)] niet en sal ty(m)me(re)n/ metsen nocht egeend(er)hande beheymsel make(n) d(aer) mede dat/ sij dliecht vanden vorg(eruerde) [selve(n)] goede(n) oft va(n) enig(er) came(re)n oft vinste(re)n/ des selfs jacops sal mogen beneme(n) oft verdoncke(re)n in enig(er)/ manie(re)n En(de) dat alsulke(n) pleetske(n) erfs oft staelgike(n) toebe/ hoe(re)nde den vorg(eruerde) huyse svors(creven) laureys d(aer) de voute vande(n)/ selve(n) huyse ond(er) steet gelege(n) tussche(n) tselve huys svors(creven)/ laureys en(de) tegen de vinste(r) vand(er) need(er)came(re)n des vors(creven) jacops/ tot ewige(n) daghen ald(aer) sal blive(n) staende ledighe ende ombe/ ty(m)merde plaetse gelijc die ald(aer) opde(n) dach va(n) hede(n) gelegen/ es op welc staelgike(n) oft plaetske(n) erfs de selve laureis/ noch sijn naec(omelinghen) egheen uutstorte(n) nocht uutghiete(n) va(n) enighe(n)/ wate(r) oft vuylnisse hebbe(n) noch behoude(n) en sulle(n) anders/ dan den osiendrup ende wat(er)val vanden selve(n) huyse gelijc/ tselve huys die ald(aer) nu t(er) tijt hebben(de) is En(de) dat de selve/ laureys alle vinste(re)n vanden vors(creven) sine(n) huyse nu d(aer) staen(de) die/ uutcomen tege(n) tselve staelgike(n) en(de) desgelijx alle [ande(re)] vinste(re)n die/ hij ald(aer) namaels make(n) sal vercalu(m)pnen sal en(de) v(er)calu(m)pment/ houde(n) en(de) voert doen toemake(n) en(de) toev(er)maect houde(n) de doere/ ald(aer) staen(de) tot ewige(n) daghe(n) cor(am) roeloffs winghe maii xxi