It(em) jan vander grecht die jonghe sone jans vand(er) grecht ende willem/ vander varent geheete(n) ruelens in p(rese)ncien der scepen(en) van loven(e) gestaen/ hebben ghenomen en(de) bekint dat sij ghenomen hebben van he(re)n pete(re)n de/ beye(re) canonc der kercken van s(in)[te] peet(er)s te loven(e) een ghedeelte vander/ thienden van troembeke ghelijkerwijs de voirs(creven) jan vander grecht de vader/ willem de becke(re) en(de) goert van kesselle tselve ghedeelte vande(n) voirs(creven)/ he(re)n pete(re)n en(de) willem(me) wijlen p(ate)r n(oste)r gehouden hebben en(de) noch tot/ van sinte jansmisse naestcomen(de) ov(er) een jair houden(de) sijn alse vander/ geheeld(er) thienden van troembeke die de voirs(creven) h(er) peet(er) vand(er) cap(it)le d(er)/ voirs(creven) kercken van sinte peet(er)s in pechtinge(n) genome(n) heeft Te houden en(de)/ te hebben van sint jansmisse baptiste(n) naestcomen(de) ov(er) een jair eene(n) t(er)mijn/ van sesse jairen lanc due(re)nde deen nae dand(er) sond(er) middel volgen(de)/ elx jairs dae(re)n bynne(n) o(m)me en(de) voe(r) xliii mudden rox en(de) xliii mudden/ g(er)sten elcx greyns goet en(de) paiabel wel bereit met wa(n)ne en(de) vloegele(n)/ d(er) maten van loven(e) alsulx als jaerlix vand(er) selv(er) thiende(n) come(n) sal/ alle jae(re) sint andriesmisse apostels vallen(de) en(de) altoes ombegrepen/ te kersmisse d(aer) nae te betalen(e) den he(re)n vander voirs(creven) cap(it)le te weten/ elken van hen sijn porcie en(de) gedeelte gelijc hem dat uut(er) selv(er) thiende(n)/ bewijst sal wordde(n) gestrecken sal en(de) te loven(e) tot elcx huyse van hen/ te leve(re)n alle jae(re) den voirs(creven) t(er)mijn due(re)nde q(u)[o](libet) ass(ecutu)[m] Dierste betalinge/ van desen van sinte andriesdage apostels naestcomen(de) ov(er) een jair/ en(de) niet eer welken pacht van xliii mudde(n) rox en(de) van xliii/ mudden g(er)sten voirs(creven) de voirg(eruerde) tiendene(re)n gelooft hebben ongesund(er)t/ en(de) ongesceide(n) en(de) elc voer al den voirs(creven) hee(re)n peete(re)n dat sij elken/ vanden voirs(creven) he(re) vand(er) cap(it)le sijn porcie en(de) gedeelt gelijc voirs(creven) steet
//
v(er)nueghe(n) betalen en(de) leve(re)n sulle(n) den voirs(creven) t(er)mijn due(re)nde q(u)[o](libet) ass(ecutu)[m]/ Met vurw(er)d(en) oft de voirs(creven) tiendeneers bynne(n) den voirs(creven) t(er)mijne inde/ voirs(creven) thiende enige scade hadden oft leden van e(n)nigen tampeeste/ oft ghemeine(n) oirloghe dat de voirs(creven) h(er) peet(er) hen d(aer) af rastoer/ doen sal nae avenant vanden voirs(creven) hue(re)n gedeelte gelijc de voirs(creven)/ he(re)n vand(er) cap(it)len den voirs(creven) he(re)n peete(re)n vander gedeeld(er) thienden/ doen sullen cor(am) vos wynghe junii vi[ta]