Allen den ghene(n) (et)c(etera) burg(er)meeste(re)n (et)c(etera) saluyt met kennissen der/ wairheit te weten(e) dat opden dach van heden voir ons come(n) es/ in p(ro)pren p(er)soene goort uuten hove gheheeten zedelee(re) onse ingheseten/ poirte(r) ende heeft met sine(n) vryen wille in alle der best(er) forme(n) en(de)/ manie(re)n soe hem dat nae recht best mach diene(n) ende behore(n) ge(con)stitueert/ ghesedt ende volcome(n) macht ghegeve(n) arnold(e) van ketz janne mathijs/ wonen(de) te gheldenaken janne de smet wonen(de) te laetwijck ende arnde willem(me)/ van leefdale ende elken van hen besundert om alle ende yeghewelke/ sijn goede chijsen renten erfpachten jairgulde(n) ende vervallen en(de) schulde(n)/ den voirs(creven) goorde toebehoren(de) te loven(e) te gheldenaken te stockoy en(de) te/ hupayn ende elswair soe waer die gelegen sijn ende men hem sculd(ich)/ es oft naemaels wesen sal Te rege(re)n te manen te eyssche(n) op te bue(re)n/ inne te heffen(e) ende tontfanghe(n) aen wat p(er)soene(n) oft goede(n) oft te wat/ steden oft plaetssen dat dat sijn mach dan voe(r) te panden(e) te daghen(e)/ te beleyden(e) ende rastemente(n) te doen leggen(e) nae ghewoente(n) en(de) costume(n)/ vanden plaetssen dair dat ghebue(re)n oft behoe(re)n soude moghen Ende/ voort tot allen ande(re)n sine(n) zaken zij sijn p(er)soneel oft reael die van/ oft op sijn goede bij yeman(t) ghepoert moghen wordden voir alle richte(re)n/ gheestelick en(de) weerlick met rechte te vervolgen(e) te v(er)antw(er)den(e) te/ bescudden(e) ende in aenleggers oft verweerd(er)s stad te bedingen(e) die te/ wynnen(e) ende te v(er)liesen(e) thonissen en(de) wairheid(en) te leyden(e) en(de) vand(en) wed(er)p(ar)tije(n)/ te sien leyden(e) jeghen hue(re)n p(er)soen ende ghetuyghenissen te excipieren(e)/ en(de) te opponeren(e) composie ende mynlike yffe ende alle p(ro)cesse(n) acte(n)/ en(de) t(er)mijne van rechte te doene en(de) te houden(e) vo(n)nissen en(de) sente(re)n sij sijn/ int(er)locutoir oft diffinitijff teysschen(e) taenhoren(e) en(de) te v(er)wachten(e) het sij dat/ die gegeve(n) wordde(n) voir den voirs(creven) goorde oft teghe(n) hem en(de) vande(n) selve(n)/ vo(n)nissen t(er) behoirlijk(er) plaetssen ende totte(n) behoirlijken richte(r) [oft gerichte] te appelleren(e)/ die appellacie(n) soe ende d(aer) dat behoirte te v(er)volgen(e) composicie en(de)/ mynlike yffeni(n)ge d(aer) af te maken(e) den sculde(re)n van des sij oft/ e(n)nich van hen ontfanghe(n) sal quijt te schelden(e) en(de) quita(n)cie te geven(e)/ Ende voirtaen ge(ne)ralick en(de) sp(eci)alick allet ghene dair inne te doen(e)/ en(de) te vorde(re)n dat de voirs(creven) goort uute(n) hove selve soude moge(n) doen/ in dien dat hij ald(aer) tege(n)w(er)dich en(de) voir oeghe(n) wae(r) p(ro)mittens rat(um)/ due(re)nde (et)c(etera) alle argelist uutgescheyde(n) cor(am) tybe burg(imagistro) vos wynghe/ julii xxvi