Nae dien dat gabriel tryapein die uut crachte van scepen(en)/ brieve(n) van loven(e) int jair van lii[tiche(n)] gepasseert met versueck/ brieve(n) vand(er) stad van loven(e) voir gebreck van betalinge(n) van xx rins/ gul(den) lijfpensien gelev(er)t ende in handen ghesedt sijn zeke(r) goede ro(m)bouts/ van battele te weten(e) een hoff met huysen hoven stalle(n) schue(re)n/ bog(aer)den wynnen(de) lande(n) beempden eeusselen renten ende erfpachte(n) dair/ toebehoren(de) gelegen inde p(ro)chie van haeght ter plaetssen gheheete(n) rosse/ voerde in div(er)se plaetssen ende stucken aldair gelijck die inde scepen(en) brieve/ dair op ghemaect voirder v(er)cleert ende ghespecificeert staen met rechte/ hadde doen dach doen bescheyden voir meye(r) ende scepen(en) van loven(e) adriane/ peet(er)s die hem onghebruyck dede aen die voirs(creven) goede sond(er) hem vande(n)/ voirs(creven) sine(n) gebreken der lijft(ochten) voirs(creven) te vernueghen en(de) te betalen o(m)me/ dair af rechts te plegen(e) tot eene(n) zeke(re)n daghe tot op desen daghe va(n)/ rechte verstreken Ende de voirs(creven) adriaen ten selve(n) daghe van rechte/ niet come(n) en es ende de vorste(r) die hem dach ged(aen) hadde aenghehoert/ sijnde soe hebben de scepen(en) van loven(e) met vonnissen ghewijst/ datme(n) den voirs(creven) gabriele vanden voirs(creven) goeden houden sal in sijnre/ leveringhen alsoe v(er)re dat noch voir hen come(n) es cor(am) roelofs oppend(orp)/ absoloens vos wynghe lynde(n) aug(usti) xxi