Allen den ghenen (et)c(etera) saluyt doen te weten(e) dat op heden voir ons come(n)/ es katline van ghind(er)boven geheete(n) van cauweghem wonen(de) te loven(en) ende/ heeft bij bijwesen ende consente lodewijcx de hont huers oems van svaders/ weghen ende jans de smet huers neven vander moed(er) weghe(n) wettelick/ ghemechticht ende volcome(n) macht gegeve(n) ende met des(er) l(ette)ren mechtich maect/ ende volcome(n) macht gheeft meest(er) matheeuse de laheyns o(m)me alle huer/ goede chijsen rinten pachten lijfrente(n) jairgulde(n) ende sculde(n) als de voirs(creven) katline/ heeft oft hebbe(n) mach inden lande van brabant ende elswair ende men huer/ sculdich is oft namels wesen sal Te regeren te mane(n) teissche(n) op te boe(re)n/ ende tontfange(n) aen wat goede(n) oft p(er)soene(n) oft te wat steden dat dat sijn/ mach daer voe(r) te panden te daghene te beleidene en(de) rastame(n)te te doen/ legghen nae ghewoente ende costume vander plaetse(n) dair dat behoe(re)n/ sal oft behoeve(n) soude moghe(n) en(de) op dats noot ghebuerde voir alle rechte(n)/ gheestelic en(de) weerlic met rechte te v(er)volghen te v(er)antweerde(n) te bescudden/ ende te bedingen die te wynne(n) ende te verliesen composicie en(de) my(n)like/ yeffeni(n)ghe dair af te maken den sculders van des sij ontfange(n) sal/ quijt te scelden ende quitan(cien) te geven(e) Ende de omberuerlike goede der/ voirs(creven) katline(n) eene(n) t(er)mijn van ix jae(re)n uut te gheven te v(er)pachten ende/ te verhue(re)n ende voirtaen generalic ende specialic alle tgene dair inne/ te doene ende te vorde(re)n dat de voirs(creven) katline selve soude moege(n) doen/ waert [dat] sij teghewoird(ich) ende voer oege(n) wae(r) Gheloven(de) voirt de/ voirs(creven) katline in goed(er) trouwen voir goet vast ghestedich ende van/ weerde(n) te houden tot ewighe(n) daghen soe wes bijden voirs(creven) meest(er)/ matheeuse inden zaken voirs(creven) ende des d(aer) aen cleeft ghedaen oft gevord(er)t/ sal worden in enig(er) manie(re)n sond(er) argelist due(re)nde dese p(ro)cu(ra)cie ende/ mechtich(eit) tot den wed(er)roepen der voirs(creven) katlinen en(de) niet lang(er) cor(am) tymple/ substitut(o) oppendorp winghe scab(inis) julii s(ecunda)