SAL8140, Act: V°23.1 (38 of 468)
Search Act
previous | next
Act V°23.1  
Act
Date: 1470-07-19

Transcription

2019-12-02 by Dominique Van Daele
Allen den ghenen (et)c(etera) burg(er)meeste(re)n (et)c(etera) saluyt met kennissen/
der wairheit doen te weten(e) dat opden dach van heden voir ons/
come(n) es in p(ro)pren p(er)soene daneel le(m)mens zone wijlen jans va(n)/
londersseele Ende heeft met sine(n) vryen eyghen(en) wille in ald(er) best(er)/
forme(n) ende manie(re)n soe dat nae recht best mach diene(n) ende behoe(re)n/
gheconstitueert ghesedt ende volcome(n) macht ghegeve(n) ja(n)ne le(m)mens/
zone wijlen le(m)mens reyners le(m)mens sine(n) neve janne le(m)mens de(n)/
jonghe(n) zone desselfs jans ende boudewijne van hassele [a(m)mant va(n)de(n) p(er)re zone wijle(n) gielijs en(de) willem(me) va(n) leefdaele] ende/
elken van hen besundert o(m)me alle en(de) yeghewelke sijn goede chijsen rente(n)/
erfpachte(n) jairgulde(n) vervalle(n) ende schulde(n) den voirs(creven) daneele toebehoren(de)/
Te loven(e) te mechelen te merchtene(n) te steenhuffle ende elswair/
soe wair die ghelegen sijn ende men hem schuld(ich) es oft naemaels/
wesen sal Te rege(re)n te mane(n) te eysschen(e) opte leve(re)n inne te heffen(e) en(de)/
tontfanghe(n) aen wat p(er)soene(n) oft goeden oft te wat steden oft plaetssen/
dat dat sijn mach dair voe(r) te panden(e) te dagen(e) te beleyden(e) en(de)/
rastamente(n) te doen leggen(e) nae ghewoente en(de) costume vand(er) plaetssen/
dair dat ghebue(re)n oft behoren soude moghe(n) Ende vort tot allen/
ande(re)n sine(n) zaken sij sijn p(er)soneel oft reael die van oft op sijn goede/
bij yeman(t) ghepoort moghe(n) wordde(n) voir alle rechte(re)n geestelick en(de)/
weerlick met rechte te v(er)volgen(e) te verantw(er)den(e) te bescudden(e) en(de) [in aenlegg(er)s oft v(er)weerd(er)s stad] te/
bedingen die te wynnen(e) ende te verliesen(e) [thonisse(n) en(de) wairh(eit) te leyden(e) en(de) vand(en) wed(er)p(ar)tije(n) te sie(n) leyde(n) jege(n) hue(re)n p(er)soene(n) en(de) getuygenisse(n) te excipieren(e) en(de) te opponeren(e) vo(n)nisse(n) en(de) senten(tien) te eyssche(n) taenhoren(e) ende te v(er)wachten(e)] co(m)posicie en(de) mynlike/
yffeni(n)ghe dair af te maken(e) den schulde(re)n van des sij oft e(n)nich van/
hen ontfanghe(n) sal quijt te schelden(e) ende quijtan(cien) te gheven(e) Ende/
voortaen gen(er)alick ende sp(eci)alick allet ghene dair inne te doen en(de)/
te vorderen(e) dat de voirs(creven) daneel le(m)mens selve soude moge(n) doen/
indien dat hij ald(air) p(rese)nt en(de) voir oeghe(n) wae(r) Gheloven(de) de selve/
daneel voir ons in goeden trouwen voir goet vast gestentich en(de)/
van weerde(n) te houwen(e) en(de) te hebben(e) tot ewigen daghe(n) soe wes/
bijd(en) voirs(creven) sine(n) p(ro)cur(eur)s oft e(n)nighen van hen h(ier) inne en(de) in des/
dair aen cleve(n) oft uut spruyte(n) sal moge(n) gedaen en(de) gevoed(er)t sal/
wesen due(re)nde (et)c(etera) alle argelist uutgescheyde(n) cor(am) waltero/
vanden tymple viceburg(imagistr)[o] vos wynghe scab(inis) julii xix
Contributorskristiaan magnus
Moderated bykristiaan magnus
Last update: 2018-08-13 by The Administrator