Allen den ghenen (et)c(etera) doen te weten dat opden dach van hede(n)/ voir ons come(n) is gielijs vand(er) meynartshoven vleeshouwe(r) en(de)/ heeft in alle der bester vormen en(de) manie(re)n soe dat nae recht/ best mach dienen en(de) behoe(re)n ge(con)stitueert en(de) volcome(n) macht en(de)/ auctoriteit gegeve(n) gheerde meermans o(m)me alle de goede/ chijsen rinten pachten jairgulden en(de) sculden des vors(creven) gielijs bi(n)nen d(er)/ stat van loven(e) en(de) d(aer) buyten en(de) elswair in brabant gelegen die/ v(er)schene(n) sijn oft namaels v(er)schine(n) sullen Te rege(re)n te mane(n) teissche(n)/ optebue(re)n en(de) tontfange(n) aen wat goeden oft p(er)soene(n) oft te wat/ steden dat dat sijn mach d(aer) voe(r) te panden te dagene te/ beleidene en(de) rastame(n)te te doen leggen nae gewoente en(de) costume/ vanden plaetsen d(aer) dat behoe(re)n sal oft behoeve(n) soude mogen En(de)/ de sake die nu geport is en(de) ombeslete(n) hanght voir meye(r) en(de)/ scepen(e) van love(n) tusschen den vors(creven) gielise in deen zijde en(de) ja(n)ne/ machiels tymme(r)ma(n) in dande(re) zijde voir de selve meye(r) en(de) scep(enen)/ met rechte ten ynde uut te v(er)volghen die te wynne(n) en(de) te/ v(er)liesen En(de) voirt tot allen sinen and(ere)n saken sij sijn p(er)soneel/ oft reael die van oft op sijn goede bij yeman(t) geport mochte(n)/ worden voe(r) alle rechte(re)n geestelic en(de) weerlic met rechte/ te v(er)volgene te v(er)antwerde(n) te bescuddene en(de) te bedingene die/ te wynne(n) en(de) te v(er)liesen composicie en(de) mynlike yffeni(n)ge
//
d(aer) af te maken den sculde(re)n vandes hij ontf(angen) sal quijt te scelde(n)/ en(de) quitan(cien) te geven En(de) voirtaen generalic en(de) specialic alle/ tgene d(aer) inne te doene en(de) te vorde(re)n dat de vors(creven) gielijs/ selve soude mogen doen waert dat hij tegeword(ich) en(de) voe(r) ogen/ ware p(ro)mitt(ens) rat(um) due(re)nde dese p(ro)cu(ra)cie totte(n) wed(er)roepe des/ vors(creven) giel(ijs) cor(am) tybe burg(imagistr)[o] abs(oloens) vos scab(inis) ja(nua)[rii] xiiii