It(em) nae dien dat henrick my(n)nen als man ende momboir m(ar)g(rie)[te(n)] eeverarts/ docht(er) jans eeverarts t(er) eenre ende jan die witte van aerschot t(er) ande(re)/ comen sijn in rechte voir meye(r) ende scepen(en) van loven(e) alse va(n) zeke(re)n/ bewynde ende opheffinghen ende inheffen(en) als de voirs(creven) jan die witte/ ghedaen hadde vanden goeden jans everarts voirs(creven) oft p(ro)fijten der selv(er)/ Van welken bewynde ende inheffen(en) de voirs(creven) henrick my(n)nen als mo(m)boir/ sijns wijfs begheerde rekeni(n)ghe ende ghenoech doen vanden voirs(creven) janne/ die witte te hebben(e) van sijns wijfs kinsghedeelte Te weten(e) vanden/ eene(n) vier(del) der ingehaven(en) p(ro)fijten soe heeft jan die witte gep(rese)nteert/ hoe wale hij niet als momboir met rechte ghestelt m(air) alleene als vrie(n)t/ e(n)nighe singuleere inheffen(en) gedaen heeft t(er) beden vanden vrienden der/ kinde(re)n jans eeverarts voirs(creven) vanden selve(n) sine(n) inheffen(en) dueghedelic bewijs/ te doene ende de he(re)n scepen(en) van loven(e) de zake van dien ghestelt hebbe(n)/ in handen vand(er) stad tot hue(re)r t(er)minacien Soe heeft de selve jan die/ witte aldair ov(er)ghegeve(n) eene cedulle van sine(n) ynheffen(en) yerst van claese/ bruyninck van eene(n) stuck erfs ghelegen te netelbeempde opde motte/ xxxii gul(den) rinsche te xx st(uvers) ende h(ier) af ghegeve(n) den hee(re) van pontpe(n)ni(n)ge(n)/ iii rinsche iiii st(uvers) blijft net xxxvi gul(den) holl(ansch) noch ontfanghen van henr(icke)/ peeten van groote(n) houte van weghen hennekens ende grietkens everarts/ uut beg(er)ten jans everarts huers vaders diet voirs(creven) hout selve v(er)cochte/ tderden deel van xxxiii rinssche gul(den) Es voir de voirs(creven) ii kinde(re) xiii(½)/ gul(den) holl(ansch) i vier(del) It(em) noch ontfangen vand(en) huere(n) van eene(n) beempde/ ghelegen te herssele ov(er) den loop vijff holl(ansche) gul(den) ende oic van sinen/ uutgeven(en) ende van sine(n) bewynde yerst inhouden(en) dat hij betaelt heeft/ janne vander coevoert viii hollan(sche) gul(den) It(em) van dat hij janne everarts/ w(er)t vroenten taerschot loste eer jan eeverarts sine(n) kinde(re)n sijn goet ov(er)gegeve(n)/ hadde betaelt v holl(ansche) gul(den) xiiii st(uvers) It(em) zege(re)n vrederix gegeve(n) drie peet(er)s/ te xviii st(uvers) It(em) pete(re)n kinen vii holl(ansche) gul(den) It(em) remaculo louck iii(½) holl(ansche)/ gul(den) henricke wynricx van heyst iiii(½) holl(ansche) gul(den) It(em) janne vand(er) hulst/ raymak(er)s van sgasthuys weghen van chijse xxvi st(uvers) It(em) janne zoetman/ xiiii st(uvers) It(em) janne jonghe jans everarts knape x st(uvers) meest(er) gheerde/ frederix vand(en) gulde(n) weghen vanden voetboghe taerschot xvi st(uvers) It(em) noch/ betaelt aen willem(me) standaert vanden houte te vellen(e) int elsbroeck/ x st(uvers) It(em) betaelt den meye(r) ende scepen(en) van aerschot van dat sij onledich
//
wae(re)n ende die (con)dicien ende (con)tracten maecten tusschen janne everarts/ ende sine(n) kinde(re)n voir hen recht v st(uvers) It(em) betaelt van chijse vanden/ bossche te montenaken i(½) st(uver) It(em) betaelt jacoppe villain van chijse/ vanden beempde int ro(m)melede broeck i st(uver) It(em) betaelt philippe den/ houwe(re) van chijse vanden beempde ghelege(n) op doude motte v(er)loepen/ van ii jairen v pl(a)c(ken) It(em) betaelt doen men die gued(inge) dede vande(n)/ beempde opde motte iiii st(uvers) It(em) xii mite(n) It(em) betaelt den chijs/ vanden lande te ghymele eene(n) brasd(enier) It(em) betaelt m(ar)griete(n) v(er)strate(n)/ beghijne van chijse vanden lande gheheten tcruysken xxvi st(uvers) It(em)/ betaelt laureyse van hoelair vanden lande touderode onder den wijng(ar)t/ te wynnen(e) et te besayen(e) viii st(uvers) It(em) noch betaelt jans everarts/ maerte van meercke die hen ghedient hadde xi st(uvers) It(em) van welken vors(creven)/ uutgheven(en) de voirs(creven) p(ar)tijen accordeerden mair de voirs(creven) p(ar)tijen bleven in/ questien van zeke(re)n ande(re)n pointen h(ier) nae besc(re)ven die de vors(creven) jan/ die witte rekende uutgegeve(n) te wordde(n) hebben(e) ende de vors(creven) henrick/ mynne(n) als momboir m(ar)griete(n) everarts sijs wijfs meynde dat hem/ niet passe(re)n en soude Inden yersten dair jan die witte rekent/ betaelt van coste ghedaen bij janne everarts ind(er) vroenten vanden/ p(er)soen van aerschot uut v(er)sueke philips keeremans huysvrouwe die/ henrick vander noot des voirs(creven) p(er)soens brueder ghetruwt hadde vijff/ holl(ansche) gul(den) It(em) dat oic de selve jan rekent betaelt te hebben(e) janne/ melijs van tcoren te dersschene dwelc jan everarts met sine(n) kinde(re)n/ gheeten heeft iiii st(uvers) It(em) dat jan die witte noch rekent betaelt te/ hebben(e) janne everarts van weghen hennekens ende grietkens everarts/ voir sijn tochtrinte vanden yersten jaire vii gul(den) hollan(sche) It(em) dat hij/ noch rekent betaelt te hebben(e) den selve(n) janne everarts vanden selven/ twee kinde(re)n weghen vanden ande(re)n t(er)mijne iiii hollan(sche) gul(den) xxxii pl(a)c(ken) It(em)/ dat hij her noch rekent betaelt te hebben(e) den selve(n) janne everarts vanden/

selve(n) twee kinde(re)n weghen vanden ande(re)n t(er)mijne iiii hollan(sche) gul(den) janne die/ verwere van laken(e) ghecocht voir henneken(e) ende grietken(e) everarts dair/ mede dat sij ghecleedt wae(re)n viii lichte gulden(en) It(em) dat hij rekent betaelt/ te hebben(e) machiele leys vanden selven clede(re)n te nayen(e) viii st(uvers) It(em) dat hij/ rekent betaelt te hebben(e) willem(me) everarts en(de) henneken(e) vander poerten dat/ sij hebben ghelove(n) van hue(re)n ghedeelte van eene(n) huyse ghelegen opt schaluyn/ dair marten van wierlair plach te wonen(e) tsamen vi hollansche guld(en)
//
Soe es beyde p(ar)tijen yerst in hue(re)n bescheyde gehoert sijnde dat sij/ in wederssijde soe met brieve(n) soe met c(er)tificacie(n) vander stad van aerschot/ soe aen tghene des hen mu(n)delinghe geliefde te seggen(e) ghet(er)mineert/ dat want jan die witte mett(er) betalinghen die hij den voirs(creven) janne/ everarts selve oft voir hem ghegeve(n) heeft de voirs(creven) kinde(re) besorght/ heeft en(de) huer goede beschudt dat de selve goede voir gebreck van/ betalinge(n) der tochtrinten huers vaders in handen desselfs huers vad(er)s/ niet come(n) en sijn ende dair mede beschudt oft sij in handen desselfs huers/ vad(er)s come(n) wae(re)n dat sij dair inne souden hebben moeten blive(n) desselfs/ huers vad(er)s leefdaghe due(re)nde nae uutwijsen(e) der scepen(en) brieve(n) van/ aerschot dair op ghemaect Ende de ande(re) pointen voe(r) in questien/ staen(de) den selven janne die witte in sijner rekeninghen passe(re)n sullen en(de)/ afcortten aen henricke my(n)nen voirs(creven) Te weten(e) tvierendeel vanden vijff/ gul(den) holl(ansche) ghegeve(n) ind(en) vroente(n) de helicht vanden ande(re)n naevolgen(de) pointe(n)/ in questien staen(de) Behoud(elijc) dat ghene des jan die witte gherekent heeft/ den vader oft voir den vader ghegeve(n) te hebben(e) dat grieken ende huere(n)/ man huer vie(re)ndeel van dien den vader sullen afcortten van des sij hem/ schuld(ich) sijn oft schuld(ich) sullen wordde(n) vanden tochtrenten voirs(creven) soe v(er)re/ die vand(en) tijt als hij die betalinghe van janne die witte ontfinck die/ die hanteringhe vanden goede(n) selve hadde Behoud(elijc) oic den selve(n) vad(er) d(aer)/ inne sijn wederleggen dat hem met rechte d(aer) inne sal moghe(n) diene(n) actu(m)/ cor(am) roelants tybe burg(imagistris) et aliis de pleno (con)silio julii xiii