Allen den ghenen (et)c(etera) burg(er)meeste(re)n scepen(en) ende raid der stad van lov(en)/ saluyt met kennissen der wairheit doen te weten(e) dat opden dach van/ heden voir ons come(n) es in p(ro)pren p(er)soene gabriel tryapeyn van lyere/ ende heeft met sine(n) vryen eygen(en) wille in ald(er) best(er) formen en(de) manie(re)n/ soe dat nae recht best mach diene(n) en(de) behore(n) gheconstitueert ghesedt/ inde volcome(n) macht ghegeve(n) jannese den donde(re) ende jannese andries/ gheheeten liepy ende elken van hen besundert o(m)me alle ende yegewelke/ sijn goede chijse renten erfpachte(n) lijfrenten jairgulde(n) vervallen en(de) sculde(n)/ den voirs(creven) gabriele toebehoren(de) te loven(e) te rotsselair te haeght te werchte(r)/ ende elswair soe wair die bynne(n) den lande van brabant ghelege(n) sijn/ ende men hem schuld(ich) es oft naemaels wesen sal Te rege(re)n te manen/ te eysschen op te bue(re)n ende ontfanghen aen wat goeden oft p(er)soene(n) oft/ te wat steden oft plaetssen dat dat sijn mach dair voe(r) te panden(e)/ te dagen(e) te beleyden(e) ende rastame(n)[te(n)] te doen leggen(e) nae ghewoente(n) en(de)/ costume(n) vanden plaetssen dair dat behoren sal oft behoeve(n) soude moge(n)/ Ende voort tot allen ande(re)n sine(n) zaken sij sijn p(er)soneel oft reael die/ van oft op sijn goede bij yeman(t) ghepoert mochte(n) wordde(n) voir alle rechte(re)n/ gheestelick oft weerlick met rechte te v(er)volgen(e) te v(er)antw(er)den(e) te beschudden(e)/ en(de) te bedingen(e) die te wynnen(e) ende te verliesen(e) composicie en(de) my(n)lijke/ yffeni(n)ghe d(aer) af te maken(e) den sculde(re)n van des sij oft enich van hen/ ontfanghen sal hebben quijt te schelden(e) en(de) quijtan(cien) te gheven(e) Ende/ voert aen g(e)n(er)alick ende sp(eci)alick allet ghene dair inne te doene ende/ te vorderen(e) dat de vors(creven) gabriel tryapeyn selve(n) soude moghen doen/ in dien dat hij ald(aer) tegew(er)dich ende voir oeghe(n) wae(r) Gheloven(de)/ de selve gabriel voir ons in goeden truwen voir goet vast ghestentich/ en(de) onverbrekelick te houden(e) en(de) te hebben(e) tot ewighen daghen soe/ wes bijd(en) voirs(creven) sine(n) p(ro)cur(eur)s oft den eene(n) van hen ind(en) vors(creven) saken/ en(de) in des dair aen cleve(n) oft uutspruyten sal moghe(n) ghedaen/ en(de) ghevordert sal wesen in e(n)nig(er) manie(re)n due(re)nde dese p(ro)curacie/ en(de) mechtich(eit) totten wederroepe des voirs(creven) gabriels tryapein ende/ niet langh(er) alle arghelist h(ier) inne uutgescheyden cor(am) tybe/ burg(imagistr)[o] oppend(orp) wynghe scab(inis) julii xvii