Nae dien dat gabrielen tryapein wonen(de) te lyere die met scep(enen)/ brieve(n) van loven(e) ghepasseert voir djair van tsestige(n) houden(de) es xx/ rinssche gul(den) te xix stuv(er)s tstuck jairlik(er) lijft(ochten) tot sine(n) live alle/ jaire opden v[ste(n)] dach van meye te betalen(e) ende inden wissel va(n)/ mechelen te leveren(e) aen ende op de goede h(ier) ond(er) besc(re)ven rombouts/ van battele Te weten(e) ynde(n) yerste(n) aen en(de) op een hoff met huysen/ hove(n) stallen schue(re)n bog(ar)den wynnnen(de) lande beempde(n) en(de) eeusselen d(aer)/ toebehoren(de) houden(de) te gade(r) xxv boend(er) luttel myn oft meer ende/ metten s chijsen ende rente(n) totte(n) selve(n) hove behoren(de) ende alle(n) sine(n)/ toebehoirte(n) gelijck de selve goede ghelegen sijn inde p(ro)chie van/ haeght te rossevoerde indiv(er)s(en) loc stucken en(de) plaetssen ald(aer) de/ selve onderpande uut versueck brieve(n) vander stad van loven(e) gescr(even)/ aen den drossete slants van rotsselair oft sine(n) stadhoude(r) te haeght/ bijden selve(n) stadhoude(r) te haeght voir ghebreck van betalinghen/ der voirs(creven) xx rinssch(en) gul(den) lijftochten van eene jairrente(n) der selver/ ghelev(er)t ende in handen ghesedt sijn o(m)me die te ghebruyken(e) en(de) te/ hantplichten(e) te vrome(n) ende te ontvrome(n) t(er) wijlen toe hij vanden vors(creven)/ sine(n) ghebreke ende cost ende co(m)me(r) met rechte dair op ghedaen v(er)nueght/ sal sijn De stadhoude(r) van haeght met sijne rescripcie(n) c(er)tifi(ca)cien/ op dexecucie vanden brieve(n) ende de leveringhe vanden goeden voirscr(even)/ alsoe ghedaen te hebben(e) ende den voirs(creven) romboute ende alle ande(re) die/ jeghen die voirs(creven) brieve yet hadden willen seggen oft allige(re)n dach va(n)/ rechte op heden bescheyde(n) hadde Tot welken daghe de voirs(creven) rombout/ noch nyemant and(er)s ghecomp(ar)eert en es jannese den donde(re) als p(ro)cur(eur)/ des voirs(creven) gabriels ten selven daghe (com)pareren(de) ende recht versueken(de) soe/ hebben de scepen(en) van loven(e) t(er) manissen smeyers ghewijst voir een/ vo(n)nisse datme(n) den voirs(creven) gabriele houden sal in sijne leveringhen/ alsoe v(er)re alst noch voir hen come(n) es cor(am) oppend(orp) pynnoc abs(oloens) vos/ wynghe lynden julii xix