Het sijn come(n) in rechte voir meye(r) ende scepen(en) van loven(e) inde/ banck ald(aer) arnt weer gheheete(n) die cleppere van libbeke in/ deen zijde ende willem coerekens m(ar)scalck als gheleydt voir/ sijn dueghdelijke ghebreke van iii rijders lijft(ocht) tot allen den goede(n)/ have ende erve jans van boedenvlas in dand(er) zijde als van/ eene(n) halve(n) boend(er) beempts ghelege(n) in ii stucke(n) inde p(ro)chie van/ libbeke tussche(n) de strate ende den bog(ar)t jans van boedenvlas It(em)/ van (½) mudde corens erfl(ick) op eene(n) hoff arnts moens voirs(creven) geleg(en)/ te libbeke opde stocstrate welke (½) boend(er) beempts en(de) (½) mudde/ corens de voirs(creven) willem v(er)sochte hem en(de) sine(n) beleyde te volgen(e) totte(n)/ voldoene sijne dueghdelijke gebreken voirs(creven) dair af de voirs(creven) arnt/ de (contra)rie meynde aenspreken(de) ende dede seggen dat hij tvoirs(creven) halff/ boend(er) beempts ende (½) mudde t(er)we rox gecocht ende gecreghe(n) hadde/ ende dat betaelt teghe(n) den vors(creven) janne van boedenvlas niet weten(de)/ van tghene des de voirs(creven) willem met sine(n) beleyde d(aer) aen e(n)nich/ toesegghen oft recht hadde Dair op de voirs(creven) willem antw(er)de/ dat hij voe(r) ende eer de voirs(creven) jan boedenvlas de voirs(creven) goede v(er)cochte/ oft goedde gheleydt was soe dat cleerlijken bleeck want die guedi(n)ge/ vanden goeden was op sinte jans dach lestleden ende dbeleyt gedae(n)/ was in februario dair te voe(re)n ende alsoe en hadde de selve ja(n) van/ boedenvlas egheen macht die goede te vercoepen(e) ende tselve vercoepen/ dat hij dair af ghedaen heeft es ghedaen in sranden vanden voirs(creven) willem(me)/ ende van zijne(n) dueghdelijken gebreken Soe es ten uutersten gewijst/ dat den voirs(creven) willem(me) ende sine(n) beleyde de vors(creven) goede volgen sulle(n)/ tot sijnre wettig(er) schout behoef die hij met sijne eedt dueghdelijck/ sal ve(ri)fice(re)n cor(am) oppend(orp) pynnoc abs(oloens) vos wynghe lynden julii xx