It(em) symoen vander hofstad zone willems wijlen vander hofstad ende/ jouffrouwe katline van halleer sijn huysvrouwe docht(er) hee(r) willems/ van halleer ridders in p(rese)nc(ia) hebben ghekint ende ghelijt wettelijken/ vercocht te hebben gerard(e) van baussele secretar(is) der stad van loven(e)/ sesse rinssche gulden(en) van goude goede ende gheeve oft die rechte weerde/ van dien erflijker renten alle jaire opden yersten dach van meye te bet(alen)/ den voirs(creven) gerard(e) sine(n) oiren erve(n) ende naecomelinghe(n) erfl(ic) in toecomen(de) tijde(n)/ Ende telken t(er)mijne als vervolghde schout welke erflijke rente de voirs(creven)/ ghehuysschen tot hue(re)n coste ende laste den voirs(creven) gerarde ghelooft hebben/ tot sijnre manissen wel en(de) loflick ende nae den rechte te besetten(e) en(de) te v(er)panden(e)/ aen ende op alle de leengoede des voirs(creven) symoens ghelegen te cortbeke ov(er)loe/ ende dair toe soe vele te doene dat den voirs(creven) gerard(e) ende sine(n) naecomelinge(n)/ ghenoech sal sijn ende vaste Met sulker condicien dat de voirs(creven) ghehuyssche(n)/ oft huer naecomelinghe(n) de voirg(eruerde) vi rinsche guld(en) erfrente(n) zulle(n) moghe(n)/ quijten van meydaghe naestc(omende) ov(er) vijff jairen elken pe(n)ninck d(aer) af met/ xvi rinssche gulden(en) van goude goet ende ghinghe oft de gherechte weerde/ dair af ende met vollen renten Ende hebben voort ghelooft de voirg(eruerde) gehuyssche(n)/ den voirs(creven) gerard(e) inder voirs(creven) guedinge(n) ende veronderpendinghe(n) hem ende/ sijn voirs(creven) rente tot ewighen daghen quijt te houden(e) van allen bede(n) laste(n)/ van orloghen ende ande(re)n imposiene(n) hoedanich die sijn mochte(n) die opde/ voirs(creven) rente h(ier)naemaels mochte(n) come(n) oft ghesedt wordden Hebben voorts/ toegeseet versekert ende ghelooft de selve ghehuyssche(n) on indivisi(m) dat de/ voirs(creven) leengoede jairlix t(er) goeder estimacien vanden vynders vande(n) hove/ wel ghelden souden ende weerdt sijn elff rinssche guld(en) erfl(ic) ende d(aer) boven/ ende oft die argher bevonde(n) wordden dat sij dat altijt den voirs(creven) gerard(e)/ sullen oprichte(n) ende voorts wel ende loflick verond(er)pande(n) met ande(re)n goede(n)/ alsoe dat den selve(n) gerard(e) sine(n) oire(n) ende naecomlinge(n) vast en(de) genoech sal/ wesen Voort hebben gelooft de voirg(enoemde) symoen en(de) jo(u)ffr(ouwe) katline sij(n) huysvr(ouwe)/ ind(ivisim) den voirs(creven) gerard(e) vanden goede(n) die h(ier) voe(r) v(er)onderpant sullen wordde(n)/ ende voirgeruert staen altijt ghenoech te doene oft den selve(n) gerard(e) d(aer) af/ ergerens te nauwe gheschiet wae(r) ende die voir ombeco(m)mert leengoet te/ warande(re)n [p(ro)ut] cor(am) vos wynghe julii xxv