It(em) de voirs(creven) jan schellekens ende g(er)truyt sijn wijf o(m)me tvoirs(creven)/ huys vanden laste te verlichten(e) soe hebben [sij] gelooft indivisim/ den voirs(creven) henricke vanden hoghenhuys dat sij de ii rijd(er)s vand(en)/ iiii rijd(er)s lijft(ochten) voirs(creven) te weten(e) die staen ten live hubrechte(n) vors(creven)/ bynne(n) eene(n) jaire naestc(omende) afquijte(n) sulle(n) met alsulke(n) pe(n)ni(n)gen/ als de brieve d(aer) op ghemaect dat volcome(lic) uutwijsen en(de) beg(ri)pe(n)/ en(de) met vollen pachte nae ghelande vanden tijde Ende oft de selve/ ghehuyssche(n) de quijtinghe ten vors(creven) tijde(n) alsoe niet en daden dat/ dan de selve henrick hem mett(er) vors(creven) guedinghen met v(er)coepe/ der goede sal moghen behulpen totte(n) voldoene der scep(enen) brieve(n) opde/ voirs(creven) lijft(och)[te(n)] ghemaect ende met coste ende co(m)me(r) met rechte/ dair op ghegaen Hebben oic vort gelooft de selve jan schelleke(n)s/ en(de) g(er)truyt sijn wijf de vors(creven) goede in goede(n) state en(de) rep(ar)acie(n) te/ houden(e) tott(er) tijt toe dat de vors(creven) henrick die goede mits gebreke/ voirs(creven) vercocht sal hebben cor(am) eisd(em)