SAL8142, Act: R°301.2 (525 of 808)
Search Act
previous | next
Act R°301.2  
Act
Date: 1474-03-01

Transcription

2020-11-11 by myriam bols
Item brueder wouter van wersbeke procur(eur) en(de) voirgeng(er)/
des godshuys van meeghdendale bij oplynte(r) in p(rese)ncia/
heeft hebbende volcomen macht en(de) auctoriteit also/
hij te kynnen gaf vanden vors(creven) godshuyse eenen oft meer/
procur(eur)s te substitue(re)n in p(rese)ncia heeft mechtich gemaect/
en(de) volcomen macht procuracie en(de) auttoriteit gegeve(n)/
wille(m)me van lefdale te vervolghen te bedinghen te/
wynnen en(de) te verliesen alsulken saken als de vors(creven)/
procur(eur) inden name vand(en) vors(creven) godshuyse van wege(n)/
jouffr(ouwe) guedelen van dongelberghe nonne profess/
ind(en) vors(creven) godshuyse uutstaen(de) heeft jeghen symone/
van dongelberghe uut saken van drie mudden/
terwen lijftochten ten live d(er) vors(creven) jouffr(ouwe) goedele(n)/
en(de) des dien aencleeft de selve lijftocht met/
allen den verloepe te manen teysschen opteboren/
en(de) tontfangen d(aer)af quitan(cie) te gheven En(de) vortaen/
generalic (et)c(etera) P(ro)mitt(ens) ratu(m) salvo iusto calculo cu(m) (r)evoc(acion)[e]/
cor(am) hoeve(n) lynden m(ar)cii p(ri)ma
ContributorsMi-Je Van Gils
Moderated byMi-Je Van Gils
Last update: 2019-05-08 by kristiaan magnus