It(em) willem pater noster soen wilen willems die getruwt heeft g(er)truyden/ dochter jans wilen van bierbeke gestaen voe(r) gielise van duffle/ als stadhoude(r) vanden burg(er)meest(er) en(de) goeswijns tijbe oic burg(er)meest(er)/ te loeven heeft in handen vanden selven burg(er)meeste(r) gelooft/ en(de) toegeseeght huyghen van udekem alse maegh ende vriend/ der voirs(creven) g(er)truyden aldair tegewoirdich staende en(de) dat va(n) wege(n)/ der voirs(creven) g(er)truyden dat accepte(re)nde dat hij willem der selv(er) g(er)truyde(n)/ tot negheenen tijden meshandelen en sal noch heur slaen stoten/ noch smiten Ende oft hij dat dade zo heeft hij dairaf gelooft/ en(de) geleden te staene ter correctien vander stad en(de) plegen en(de)/ doeghen sgheens des de selve stad uut saken van dien over hem/ t(er)mijne(re)n sal Act(um) cor(am) dict(is) burg(imagistris) m(ar)cii vii