Allen den ghenen (et)c(etera) dat jannes schamp proofst sgoidshuys van/ cortenberghe heeft geordineert gestelt ende gemaict en(de) met/ des(en) l(ett)ren ordineert stelt en(de) maict zijne voergang(er)s en(de) p(ro)cur(eur)s/ janne van woluwe den jonghen henricken gheerijs pete(re)n de/ vadde(r) wille(m)me arnts janne strobant en(de) henricken van belanden(en)/ geheten larijs in allen zijnen saken geschillen en(de) bederven/ die hij nu te doen heeft oft namails hebben sall in aenlegg(er)s/ oft verweerd(er)s stad hoedanich die zijn en(de) tot allen plaetsen/ daer des te doen sal moegen wesen Gevende en(de) verleenen(de)/ de voirs(creven) constitueerd(er) den vors(creven) zinen p(ro)cur(eur)s en(de) elken bizund(er)/ thoenre des(er) volcomen macht auctoriteit en(de) zunderlinge beveel/ alle de selve saken hoedanich die zijn met rechte te verwaren/ te beschudden te vervolghen en(de) te bedingen tallen plaetsen en(de)/ gerichten en(de) tegen eene(n)yegeliken dair dat behoeven sal moege(n)/ Ende zunderlinghe [desgelijx] om alle des voirs(creven) constitueerd(er)s tsijze rinte(n)/ pachten lijftochten en(de) ande(re) sculden dienen hem nu sculdich es/ of namails wesen sal te loeven te bruessel teversberghe/ te campenhout te cortenberghe en(de) elswair alle brabrant/ zo wair die bynnen den lande van brabant gelegen zijn Te/
//
manen teyschen op te boe(re)n ende tontfangen en(de) die met rechte/ teysschen den sculde(re)n van heuren ontfanghe quijt te scelden en(de)/ quitancie te gheven [te panden te daghen ende rastamente te leggen] de composicie ende mynlike yffeninghe/ dairaf te maken De selve tsijze rinten pachten lijftochten en(de)/ ande(re) sculden met rechte te vervolgen en(de) te bedingen die te / wynnen ende te verliesen tallen plaetsen en(de) voer alle gerichten/ daer dat behoeven en(de) te doen sal wesen en(de) alle poenten en(de)/ articulen van rechte dair toe te vord(ere)n die na recht of costume/ vanden plaetsen dair dat geboert behoiren moegen ende/ voerts alle tghene d(air) inne en(de) in des d(air)aen cleven mach te/ doen en(de) te vorde(re)n het zij inden rechte oft dair buyten dat/ de vors(creven) constitueerd(er) selve doen soude of mochte wairt dat/ hij voer oeghen wae(re) Geloven(de) de selve constitueerd(er) vast en(de)/ gestentich te houden teeuwigen dagen zonder e(n)nich wed(er)segge(n)/ wes bijden vors(creven) zijnen p(ro)cur(eur)s oft den eenen van hen ind(en) vors(creven)/ saken en(de) in des d(air)aen cleven sal moegen gedaen gep(ro)cureert/ en(de) gevord(er)t sal werden in e(n)nig(er) manie(re)n Behoudelic den/ vors(creven) constitueerd(er) goede wettige rekeninge en(de) bewijs/ te geschien vanden vors(creven) zijnen p(ro)cur(eur)s e(nde) elken bizunder/ tallen tijden als hij des van he(m) beg(ere)n sall Due(re)nde oic dese/ p(ro)curacie en(de) mechtich(eit) tot desselfs constitueerd(er)s wed(er)roepene/ en(de) niet lang(er) Des torconden (et)c(etera) cor(am) roelofs burg(imagistr)[o] blanck(aer)t/ hoeve(n) scab(inis) octobr(is) xviii