It(em) tvo(n)nisse vanden ghedinghe dat inde banck voir meye(r) en(de)/ scepen(en) van loven(e) gheweest es tusschen gheerde oliviers and(er)s van/ peetbeke alse p(ro)cur(eur) lucas wout(er)s ende margrieten waelravens sijns/ wijfs in deen zijde ende gielijse die greve claes sone poirter der/ stad van loven(e) wonen(de) te gaesbeke in dande(re) alse vander hueringe(n)/ van eenre coe die de voirs(creven) gielijs teghen der voirs(creven) m(ar)griete(n) gehuert/ hadde tsjaers om xxvi stuv(er)s dair af de selve m(ar)griete tegew(or)dich/ sijnde bekende thien stuv(er)s ghehave(n) te hebben ende dat huer de/ selve gielijs noch tacht(er) was xvi stuv(er)s vander selver hue(re)n/ Bieden(de) dair af hue(re)n eedt beghe(re)nde en(de) versueken(de) dair af/ betalinghe of bewijsenisse van betalinghen en(de) de voirs(creven) gielijs/ gheantw(er)t heeft dat hij ten bevele der selv(er) m(ar)griete(n) de voirs(creven) xvi stuv(er)s/ betaelt hadde aen eene(n) man dair sijt hem bevolen hadde te ghevene/ overghevende met den ghetuyghe(n) van dien eene(n) man te ghestaene/ en(de) de voirs(creven) p(ro)cur(eur) met m(ar)grieten p(rese)nteerde tot huer eed te houden dat/ sij de voirs(creven) xvi stuv(er)s vanden voirs(creven) gielijse noeyt ontfanghe(n) en hadde/ ende dat hij huer die noch schuldich es en(de) dat sij hem noeyt (con)sent/ noch beveel ghegeve(n) en hadde die xvi stuv(er)s yeman(de) and(er)s van hue(re)n/ weghen te gheven(e) Es ghewijst eevenverre de voirs(creven) m(ar)griete hue(re)n/ eedt doet zoe sij ghep(rese)nteert heeft dat de voirs(creven) gielijs ghehouden sal sijn/ heure vanden voirs(creven) xvi stuv(er)s betalinghe te doene welken eed zij inde/ banck ter stont dede en(de) des volquam cor(am) absoloens absoloens hoeven/ lynden octobr(is) penulti(m)a