It(em) jan de becke(re) ende marie m(ar)chant sijn wijf hebben bekent vercocht te/ hebben hughen van udekem ondermeye(r) te loven(e) tschaerhout van xiiii/ vierdelen boschs ghelegen te libbeke teghen tcasteleyns hof over ghelijck/ de voirs(creven) marie dat tot huer(er) tocht houden(de) es voir eene zeke(re) so(m)me va(n)/ pe(n)ninghen dair aff hen de voirs(creven) ghehuysschen bekent heben voir/ wel betaelt Welck schaerhout vanden voirs(creven) bossche ten naesten/ jaire vi jair out ende houbair sijn sal alsoe de selve gehuyssche(n)/ seyde(n) Met vurw(er)den soe verre de voirs(creven) marie aflivich wordde eer/ tvoirs(creven) bosch houbair ware dat dan de voirs(creven) jan vander leveringhen/ vanden voirs(creven) houte ende oick vander restitucien vanden voirs(creven) ghelde/ dat hij dair af nu ontfaen heeft onghehouden sijn sal cor(am) absoloens/ milite blanck(aer)t octob(ris) xxix