Item na dien dat tusschen bertelmeeuse van maelcote in deen/ zijde en(de) henricke de hollandere in dande(re) questie geweest is/ voir den raide vand(er) stat wie van hen beiden die hue(r) vand(er)/ ca(m)men geheten hollant gelegen inde bieststrate verschijnen(de)/ te kersmesse naestcomen(de) heffen zoude en(de) die renten/ chijse uut(er) voirs(creven) ca(m)me(n) gaende en(de) ten selven kers(miss)[e] vallen(de)/ en(de) verschijnen(de) betalen zoude welcke ca(m)me de voirs(creven)/ bertelmeeus tegen den vors(creven) henricke gecocht heeft om/ hem te kersmesse gelevert te worden zoe hij seide Soe/ is bijden heren vanden raide yerst aengehoert en(de) infor/ macie genomen vanden voirweerden condicien ende/ toeseggen die de vors(creven) henric de hollande(r) den vors(creven)/ bertelmeeuse int vercoopen d(er) vors(creven) ca(m)men gedaen hadde/ en(de) vort van allet ghene des elc vanden vors(creven) p(ar)tien/ voir hen dienen(de) alligeerde dat de voirs(creven) henric de/ hollande(r) de hueringhe vand(en) ca(m)men vors(creven) te kersmesse vallen(de)/ naestcomen(de) trecken sal en(de) den chijs hie(re)n tusschen en(de) dan te/ kersmesse vallen(de) betalen sal niet wederstaende der guedingen/ die de vors(creven) bertelmeeus vande(n) voirs(creven) ca(m)men nu te voren/ gedaen is Actum cor(am) roelofs tybe burg(imagist)[ris] et aliis de/(con)silio no(vembris) xiii