It(em) nae dien dat comen sijn voir den raide vander stad willem van/ wijtvliet wonen(de) inde drie croene(n) te loven(e) indie dorpstrate in deen zijde/ ende daniel van hallere in dande(re) seggen(de) de voirs(creven) daneel dat tussche(n)/ den voirs(creven) willeme t(er) eenre ende den selven daneele t(er) ande(re) zeke(re) geschille/ gheweest hadden van zeke(re)n pontpe(n)ninghen die de voirs(creven) willem meynde/ hem v(er)schene(n) te zijne uut ocsuyne van eene(n) coepe van eene(n) mudde/ corens dat de voirs(creven) daneel jeghen eene(n) gheheeten peet(er) van maerbeke/ ghecocht hadde ende nae vele handelinghen van rechte die dair aff/ ghebuert wae(re)n gheweest die voirs(creven) p(ar)tijen hen van uut den rechte v(er)bonde(n)/ hadden voir scepen(en) van cortbeke in iiii late vanden hove des voirs(creven) willems/ tot cortbeke om bijden selve(n) laten yerst van beyden p(ar)tijen bescheyt oft thonisse/ dair af ghehoert hebben(de) die zake van gheschillen met huer uutsprake(n)/ beslicht te wordden(e) oft die zake te bringhen(e) voir die scepen(en) van loeven(e)/ om dair af een segghen van rechte te hebben(e) ende acht(er)volgen(de) dien die/ voirs(creven) daneel bij beheete ende ov(er)draghe der laten voirs(creven) sijn ghetuyghen/ van rechte hadde doen daghen ende die den voirs(creven) laten ghep(rese)nteert om/ ghehoort te wordden(e) op in sondaghe lest leden Soe hadde de voirs(creven) wille(m)/ doen beletten dat die ghetuyghen niet ghehoort en werdden ende den/ tween laten van sijnre zijden ghenome(n) verboden om die ghetuyghen niet/ te horen(e) ende als de voirs(creven) vier late segg(er)s om des ghebrechts ofts letssels/ wille besc(re)ven wae(re)n voir den raide vander stad Soe heeft de voirs(creven) daneel/ beg(er)t dat die iiii laten alsoe onderwesen wae(re)n wordde(n) dat sij sijn getuyge(n)/ aenhouden ende oick de voirs(creven) willem dat hij dat niet en belette versueken(de)/ hem die voirs(creven) daneel sijn costen vanden voirs(creven) ghetuyghen ten voirs(creven) daghe/ ghedaen ende ande(re)n costen dair te voren in rechte ghedaen gherestitueert/ te wordden(e) ende die voirs(creven) willem dair jeghen seyde dat tcompromis/ voirs(creven) ten voirs(creven) daghe als daneel sijn ghetuyghen leyden woude v(er)smolte(n)/ was want hij eene(n) ande(re)n dach te voren hadde ghehadt tot welken daghe/ tghebreck was in eene(n) vanden segge(re)n des voirs(creven) daneels ende alsoe meynde/ hij onghehouden te zijne P(rese)nteerde de selve willem sijne(n) laethof te open(e)/ om den voirs(creven) daneele met rechte aen te spreken(e) ende soe wa(n)neer sij/ met rechte beslicht sullen sijn vanden pontpe(n)ninghen voirs(creven) soe p(rese)nteerde/ de selve willem den voirs(creven) daneele guedinghe vanden voirs(crreven) mudde core(n)s/ te doene ende hem den halm dien hij van sijne(n) vercoepe(n) als hee(re) in/ handen heeft over te gheven Soe es bijden raide gheappointeert/ dat de voirs(creven) willem sijn voirscr(even) laethoff open(en) sal en(de) den voirscr(even)/ daneele aenspreken vanden pontpe(n)ninghen voirscr(even) om dwelck te doen(e)/
//
de voirs(creven) willem als aenlegge(r) in deen zijde ende daneel als v(er)weerde(r)/ in dande(re) dach ghenome(n) hebben van in sondaghe naestcomen(de)/ in viii daghen voir der noene(n) ende als vanden costen soe in/ rechte soe aen ghetuyghen oft and(er)sinss ghedaen es gheappointeert/ dat de p(ar)tije van dien ghebreck hebben(de) die costen den raide vand(er)/ stad over gheve(n) sal om daer in tenden die ande(re) p(ar)tije dair op/ ghehoort sijnde dair inne gheappointeert te wordden(e) soe nae/ recht sal behoe(re)n Act(um) cor(am) roelofs tybe burg(imagistro) et aliis de consilio/ julii xvi