Allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide der stat van loven(e)/ saluyt en(de) alle vrientscap doen cont en(de) te weten/ dat opden dach datum van desen voir ons comen/ en(de) gestaen is in prop(ere) p(er)sone de vors(creven) hubrecht/ van berthem en(de) heeft geconstitueert gesedt volcome(n)/ macht procuracie en(de) auctoriteit gegheven den vors(creven)
//
meester janne van grouselt zonder e(n)nich wederroepen/ te manen teysschen opteboren tonfanghen en(de) te v(er)volgen/ op henricke van roeme en(de) katlijnen zeghers sijnen/ wijve en(de) hue(r) borghen jairlix alsulken xvi mudden rox/ d(er) mate(n) van loven(e) en(de) xxxii hollan(sche) gulden(en) te xvi st(uvers)/ tstuc als de vors(creven) henric zijn wijf en(de) hue(r) borghen/ den vors(creven) hubrechte sculdich sijn uut saken vander/ pechtingen die de vors(creven) vanden hove dat de vors(creven)/ hubrecht liggen(de) heeft metten wynnen(de) landen beempd(en)/ eeuselen bogarden en(de) alle ande(re)n toebehoerten ter werft/ inde prochie van rotsselair gelegen gelic de selve/ pechtinghe staen(de) int boec van lxx febr(uarii) iiii ond(er) ons/ uutwijst [die te vo(n)nissen en(de)] voir alle gerichten gheestelic en(de) weerlic te [v(er)volgen] den sculd(er)s d(aer) af te quite(re)n en(de) quit(ancie) te gheven Ende vort/ aen in des vors(creven) is te doen des de vors(creven) hubrecht/ selve in p(er)sone soude moghen doen Promitt(ens) rat(um)/ p(rese)ntib(us) tybe burg(imagistr)[o] et scabinis p(re)d(i)c(t)is febr(uarii) iiii