It(em) na dien dat pauwels van beerhem van eversberghe aengesproken/ heeft voer meye(r) en(de) scepen(en) van loeven pet(ere)n ty(m)merman alse va(n) bet(er)niss(e)/ van alsulk(er) quetsue(re)n als de voirs(creven) peter ty(m)merman den vors(creven) pauwelse/ gedaen hadde de welke de selve pauwels zeide een wyekende wonde/ te zijne en(de) alsulke dat inde cuere van dien een been uutgedaen ware/ biedende dat te thoenen met den cyrurgijn die de quetsue(re) genesen heeft/ Ende de voirs(creven) peter ty(m)merman keynnen(de) den voirs(creven) pauwelse gequetst/ te hebben hem p(re)sente(re)nde van dien beternisse te doen na der natue(re)n/ van rechte dair die quetsue(re) geschied was welke nature van rechte/ alsulck was also hij zeide dat de p(ar)tie voer heur beternisse heeft voer heur/ quetsue(re) noch also vele als de cyrurgijn bij zijnre eed solemplic houdt/ aende cue(re) vander quetsue(re)n verdiend te hebbene Seggende voirt dat/ dese quetsue(re) es geschied ter plaetsen die gelegen es onder da(m)ma(n)nie/ van bruessel dair trecht zulck es gelijc voirs(creven) es bieden(de) dat te thoene(n)/ So zijn de voirs(creven) p(ar)tien tot tghene des elc van hen vermeten heeft gewesen/ tot heuren thoenisse cor(am) lye(mingh)[en] abs(oloens) militib[(us)] blanck(aer)t iud(oco) abs(oloens) m(er)cels/ hoeven lynden febr(uarii) xxvi