It(em) na dien dat brueder wouter van wersbeke meest(er) en(de) p(ro)cureur sgoidsh(uys)/ van meeghdendale toplynte(r) en(de) oic als p(ro)cureur joff(rouwe) goedelen van dongel/ berghe nonne p(ro)fess des voirs(creven) goidshuys geleidt zijnde tot den goede(n)/ wout(er)s en(de) symoens van dongelberghe brued(ere)n der voirs(creven) joff(rouwe) goedele(n)/ voer drie sacken t(ar)wen lijftochten ten live der selv(er) joff(rouwe) goedelen heure/ te betalen also langhe als joff(rouwe) goedele heur moeder leven soude en(de)/ voer i(½) zack tarwen heur te betalen also langhe als zij leeft in deen zijde/ en(de) den voirs(creven) symoene in dande(re) alse vanden achterstelle der selv(er)/ drie sacken t(ar)wen heure van iiii jairen verschenen voe(r) de doot der/ vors(creven) wilen joff(rouwe) goedelen heurer moeder en(de) desgelijcx va(n) betalinge(n)/ van i(½) tarwen staende tot heuren live alse van acht(er)stelle d(er) selv(er)/ van ii jairen verschenen na de doot d(er) vors(creven) joff(rouwe) goedelen der moed(er)/ Vanden welken de voirs(creven) symoen kynde den vors(creven) i(½) zack t(ar)wen
//
twee jair verschenen na de doot vander vors(creven) moeder sculdich te zijne/ en(de) zeggen(de) voirt dat hij dande(re) iii zacke die voe(r) de doot der selv(er)/ moeder van vier ja(r)en verschenen souden zijn also de vors(creven) p(ro)cur(eur)/ voernempt betailt heeft eenen geheten jan ghielijs alse p(ro)cur(eur)/ der voirs(creven) joff(rouwe) goedelen der dochter biedende dat te thoenen So/ es gewijst dat de voirs(creven) symoen gehouden sal zijn betalinge te/ doen vanden voirs(creven) i(½) zacke t(ar)wen van ii jairen verschenen en(de)/ als vanden ande(re)n want hij symoen hem van dien thoenisse v(er)mett/ so bege(re)n de scepen(en) dat taenhoiren en(de) dae(re)nteynden recht cor(am)/ eisdem