It(em) na dien dat peter ty(m)merman in rechte comen es in deen zijde ende jan [pauwel] van/ beerhem in dande(re) alse van zek(ere)n beteringhen van quetsue(re)n ende myncken/ die de voirs(creven) peter den voirs(creven) janne van beerhem eyschende was ende/ daensprake van dien gedaen hadde dair op de selve jan [pauwel] van beerhem/ geallegeert hadde zeke(re) reden(en) wair om dat hij alhier dair op niet antw(er)de(n)/ en soude So es gewijst dat de voirs(creven) jan [pauwel] van beerhem niet wederstaen(de)/ zijnen opdoene antwerden sal op daensprake ende dair inne nemen tghene/ des hij meynd voer hem dienen(de) cor(am) om(n)ibus scabinis in scampno m(ar)cii v