Allen den ghenen (et)c(etera) burg(er)meest(er)s (et)c(etera) saluyt doen te weten(e)/ dat opden dach van heden voir ons come(n) es in p(ro)pren p(er)soene lodewijck/ uuter helicht onse ingeseten poirte(r) ende heeft in alder bester formen/ en(de) manie(re)n soe dat nae recht best mach diene(n) ende beho(r)en gheconstitueert/ ghesedt volcome(n) macht p(ro)curacie ende auctoryteyt gegeve(n) claese vander/ ruysermolen wonen(de) te halen o(m)me alle en(de) yegewelke goede ende p(ro)fijten/ der selv(er) chijsen renten pachten lijfrenten vervallen ende schulden den/ voirs(creven) lodewijke toebehoren(de) soe wair die gheleghen sijn ende men hem/ schuldich es oft naemaels wesen sal te rege(re)n te mane(n) teysschen op te bue(re)n/ ende tontfanghen aen wat p(er)soene(n) oft goeden oft te wat steden oft plaetssen/ dattet zij Dair voir te panden(e) te dagen(e) te beleyden(e) ende rastamente/ te doen leggen(e) oft and(er)ssins soe dat nae recht oft costume vanden plaetssen/ dair dat ghebuere(n) sal moghen te p(ro)cede(re)n Ende op dats noot ghebuerde/ voir alle richte(re)n gheestelijck oft weerlick met rechte te vervolgen(e) te/ te verantw(er)den(e) te bescudden(e) ende te bedingen(e) die te wynnen(e) ende te v(er)liesen(e)/ composicie ende mynlijke yffeninghe dair af te maken(e) den schulde(re)n/ van des hij ontfanghen sal quijt te schilden(e) en(de) quitan(cie) te gheven(e) Ende/ voertaen g(e)n(er)alick ende sp(eci)alick allet ghene dair inne te doene ende te/ vorde(re)n dat de voirs(creven) lodewijck selve soude moghen doen waert dat/ hij aldair tegew(or)dich ende voir oeghen wa(r)e Promitten(s) rat(um) due(re)nde (et)c(etera)/ cor(am) tybe burg(imagistr)[o] m(er)sels lynden scab(inis) m(ar)cii x