It(em) nae dien dat dierick die poghe(re) voirs(creven) als mede erfghename/ amelen wijlen ympens ghepij(n)t heeft aen te spreken(e) augustijnen/ ympens ende mychiele scrijbaen die inden sterfhuyse der voirs(creven)/ wijlen amelen ghewandelt hebben alse van sijne(n) ghedeelte dat hem/ behoirt uut doode der selv(er) wijlen amelen ende de voirs(creven) augustijn ende/ michiel dair teghen hadden doen segghen dat hij niet en soude moghe(n)/ voortva(r)en hij en soude tierst de goede die hij aenspreken woude noeme(n)/ ende besc(ri)ven Soe es ghewijst dat ghelieft diericken voorts te varen/ dat hij dat doen mach niet wederstaen(de) der calangien cor(am) mich(aele) abs(oloens)/ mil(ite) blanck(aer)t abs(oloens) m(er)sels hoeve(n) lynden april(is) ultima