It(em) jan van vosberghe ende lijsbeth janssoen sijn wijf in p(rese)nt(ia) der/ scepen(en) van loven(e) ghestaen hebben ghekent ende ghelijt voir hen/ hue(re)n erven ende naecomelinghen dat hen van meest(er) janne janssoen/ prieste(r) ende meest(er) in arten brueder der voirs(creven) lijsbetten alsoe verre hen/ en(de) hue(re)n erfghename(n) dat aengaen mach ghenoech ghedaen es/ ende vervult de ghelufte van waerschape alse van xxix ponde(n)/ payments erfs chijs ghemeynlick in borsen gaen(de) halff der kercken/ ende halff den heyligheeste van sinte g(er)truyden te loven(e) te betalen/ die bevonden sijn erflick gaen(de) uut eene(n) huyse ende hove met sine(n)/ toebehoirten Dwelck den voirs(creven) ghehuysschen teghen den selve(n) meest(er)/ janne claese qui(n)ten(e) ende m(ar)grieten gheheeten janssoen brueder en(de)/ suster der voirs(creven) lijsbetten ende teghen henricke robbijns ende teghen/henricke ende gheertruyden janssoen sijnre huysvrouwen in/ deylinghen ghevallen es ghelijck de scep(enen) brieve van loven(e) opde/ selve deylinghe ghemaect int jair xiiii[c] lxx opden xviii[te(n)] dach van/ augusto uutwijsen ende beg(ri)pen gheleghen inde sluysstrate tusschen de/ goede henricx van berchsem ende de goede goessens arnts boven den/ chijs ende last die de selve goede boven dinhouden der selv(er) deylinghe(n) schuld(ich)/ sijn te dragen(e) den selve(n) meest(er) janne sijne(n) erve(n) ende naecomelinghen/ en(de) huer goede vanden voirg(eruerde) xxix ponden payments en(de) van allen v(er)lopen(en)/ en(de) verschenen(en) renten der selv(er) volcomelijken quijtschilden(de) Ende gheloven(de)/ mett(er) gheluften van warandeerscape die uut ocsuyne der voirg(eruerde) xxix/ l(i)b(ra) p(ayments) spruyten mochte(n) ne(m)mermeer aen te spreken(e) te moeyen noch te/ vexe(re)n bij hen selve(n) noch bij yeman(de) anders in i e(n)nighe(n) rechte geestelic/ noch weerlick in e(n)nig(er) manie(re)n ende den selve(n) meest(er) janne vand(er)
//
selv(er) quitan(cie) teghen eenenyeghelijken inne te stane ende gherecht/ warant te zijne Hier vore es borghe der voirg(eruerde) ghehuysschen als/ p(ri)ncipael schulde(r) willem swynnen nu t(er) tijt wonen(de) te loven(e) inde(n)/ ham Et p(ri)mi duo cor(am) blanck(aer)t lynden april xxviii

It(em) mits des(er) quitan(cie) heeft meest(er) jan janssoe(n) geconsenteert datme(n) den voirs(creven) vosb(er)ghe geve(n) sal alsulken ii rinssche gul(den) als de selve meest(er) jan opd(er) stad wissel gesedt heeft op welke (con)d(ici)[e] de voirs(creven) vosb(er)ghe dese quit(ancie) gedae(n) heeft cor(am) eisd(em)