Item na dien dat willem vander loe behuwde sone roelofs roelofs aengesproke(n)/ hadde den selven roeloven van vi sulve(re)n schalen wegende elc anderhalf/ marck die de selve roelof den voirs(creven) wille(m)me tande(re)n tijden met zeke(re)n/ tractate tuschen hen gemaict gelooft hadde te gheven biedende dat/ te thoenen ende den selven wille(m)me dair toe gewesen zijnde hij tot/ zinen daghen van thoenisse die hem d(air)toe tot iii of vier of meer/ daghen verleend zijn geweest ende verhouden n(de) ten uutmetene/ verstreken tot op heden tot den welken de selve willem bij hem/ selven noch zinen p(ro)cureur niet gethoent en heeft noch e(n)nich onschout/ oft belet doen blijcken So es gewijst dat de voirs(creven) roelof der/ aenspraken ongehouden zal sijn cor(am) lyemi(n)ghen abs(oloens) miles blanck(aer)t/ iud(oco) abs(oloens) m(er)cels hoeven lynden maii x