SAL8142, Akte: R°4.1-V°4.1 (4 van 817)
Akte R°4.1-V°4.1
Act
Datum: 1473-06-28
Transcriptie
2019-11-20 door Véronique BavinNae dien dat soe bij claese vilters soe bij thomase van ee(re)mboudeghe(m)/
als p(ro)cur(eur)s des godshuys van sintruyden in rastamente ghedaen was/
gheweest een stuck erfs gheheeten den groten blaker ghelegen/[vacat]
voir actie die tvoirs(creven) godshuys daer aen meynde te hebben(e) van weghen/
he(re)n reyniers wijlen vanden berghe priest(er)s p(ro)fts religioes des voirs(creven)/
godshuys als hij leefde ende agneese ende lysbeth vanden berghe/
ghesuste(re)n die met scepen(en) brieve(n) van loven(e) possessie hadden vande(n)/
selven goiden alsoe sij te kennen gaven ende dair inne meynden goet/
recht te hebben versocht hebben brieve van v(er)sueke vander stad van loven(e)/
te hebben(e) om tvoirs(creven) rastament ende onghebruyck afgedaen te wordden(e)/
ende hen die brieve in ghewoenlijker manie(re)n geconsenteert en(de) geexequeert/
sijn op alsoe oft voirs(creven) godshuys oft sijn p(ro)cureurs oft p(ro)cur(eur) dair jeghen yet/
souden willen segghen oft die brieve invalide(re)n dat sij des quame(n) voir/
meye(r) ende scepen(en) van loven(e) dair die kennisse van dien behoirt tot/
eene(n) zek(ere)n daghe inden selven brieve(n) beg(re)pen om allet ghene in/
rechte aldair te p(ro)poneren(e) des hen ghelieve(n) soude ende nae recht/
soude moghen diene(n) Soe heeft claes vilters p(ro)cur(eur) des godshuys/
voirs(creven) die zake betoghen voir den raide vander stad ende als die/
voirs(creven) sijn wederp(ar)tijen hem ghevraeght hebben oft hij volcomen/
last hadde vanden abt en(de) convente om dese zake aldair voir den/
raide vander stad diffinitivelijcken uut te volgen(e) en(de) rechts te plegen(e)/
Soe heeft de selve claes vilters p(ro)cur(eur) des godshuys vors(creven) beg(er)t/
sijn beraet ende acht(er)hael om te spreken(e) metten abt ende convent/
voirs(creven) ende soe es hij dair nae ten daghe dair toe ghenome(n) wed(er)o(m)me/
ghecomp(ar)eert voir den raide vander stad van loven(e) en(de) heeft aldair/
oppenbairlijken gheseet dat hij uut machte van zijne p(ro)curacie(n) die/
hij ald(air) auctentijck exhibeerde ende uut exp(re)sse bevele vanden abt en(de)/
convente voirs(creven) bij rijper voirgaender deliberatie(n) met hen ghehadt/
ghesloten wae(re) ende ghedelibereet sijn tgherichte vander zaken voirscr(even) alh(ier)/
voir den raide vander stad diffinitivelijken te nemen(e) ende te kyesen(e) ende/
tghewijsde te voldoene ende soe es die zake tusschen p(ar)tijen aldair met/
aensprake verantw(or)den replijke duplijke ende thonisse van beyden p(ar)tijen/
soe verre ghehandelt ende beleydt dat ten uut(er)sten den voirscr(even)/
ghesuste(re)n ende thomase van ee(ren)boudeghem p(ro)cur(eur) sgodshuys [vors(creven)] om h(ier)af/
//
hair t(er)minacie ende appointemente taenhoren(e) ghedaeght/ sijnde ende ten daghe dair toe dienen(de) die voirs(creven) ghesuste(re)n/(com)parende(n) ende den voirs(creven) thomase noch aldair gheroepen niet/ compareren(de) es ghet(er)mineert ende gheappointeert voir recht/ nae aensprake verantw(or)den en(de) thonisse van beyden p(ar)tijen/ Eevenverre agneese ende lijsbeth vanden berghe ghesuste(re)n/ in sterckenissen ende justificacien van hue(re)n scepen(en) brieven/ den eet doen soe sij dien ghep(rese)nteert hebben dat dan nae den/ selven eedt ende thonisse voirgheruert den selve(n) ghesuste(re)n die/ voirs(creven) goede volghen sullen in alsulk(er) jairlijker erflijker weerden/ als tweehondert rinsscher gulden(en) ghedraghen den pe(n)ninck/ vander jairlijker weerden voirscr(even) voir xvi pe(n)ninghen gherekent/ oft voir alsoe vele als den lant coop ghedraeght vander plaetssen/ dair die goede gheleghen sijn Actu(m) cor(am) meld(er)t ouderogghe/ burg(imagistro) et aliiset aliis de pleno (con)silio julii xxviii
//
hair t(er)minacie ende appointemente taenhoren(e) ghedaeght/ sijnde ende ten daghe dair toe dienen(de) die voirs(creven) ghesuste(re)n/(com)parende(n) ende den voirs(creven) thomase noch aldair gheroepen niet/ compareren(de) es ghet(er)mineert ende gheappointeert voir recht/ nae aensprake verantw(or)den en(de) thonisse van beyden p(ar)tijen/ Eevenverre agneese ende lijsbeth vanden berghe ghesuste(re)n/ in sterckenissen ende justificacien van hue(re)n scepen(en) brieven/ den eet doen soe sij dien ghep(rese)nteert hebben dat dan nae den/ selven eedt ende thonisse voirgheruert den selve(n) ghesuste(re)n die/ voirs(creven) goede volghen sullen in alsulk(er) jairlijker erflijker weerden/ als tweehondert rinsscher gulden(en) ghedraghen den pe(n)ninck/ vander jairlijker weerden voirscr(even) voir xvi pe(n)ninghen gherekent/ oft voir alsoe vele als den lant coop ghedraeght vander plaetssen/ dair die goede gheleghen sijn Actu(m) cor(am) meld(er)t ouderogghe/ burg(imagistro) et aliis
Nagekeken door: Walter De Smet
Moderator: Walter De Smet
Laatste update:: 2019-05-08 door kristiaan magnus