Cont zij allen lieden dat gosseal joveneal sclachmolde(r) wonen(de)/ te graven en(de) katline docht(er) goffarts wilen guetken weduwe jans/ wilen guede in p(rese)ncien der scepen(en) van loven(e) gestaen hebben genomen/ en(de) bekint dat sij genomen hebben van bauwijn jorijs als p(ro)cur(eur)/ scloest(er)s van ts(er)togendale inden name en(de) van weghen desselfs/ cloest(er)s de tiende van graven den selve(n) goidshuyse toebehoe(re)nde/ gelegen te graven te weten de thiende die de vors(creven) weduwe en(de)/ peet(er) terlinck eene(n) t(er)mijn van viii jare(n) gehoude(n) hebben en(de) in/ desen uutgheven(e) niet begrepen enighe thienden oft toebehoirte(n)/ der voirg(eruerde) thienden die tselve cloest(er) h(ier) voe(r) and(ere)n p(er)soene(n) uutge/ geve(n) heeft Te houdene en(de) te hebbene va(n) sint jansmisse bap(tis)[te(n)]/ dat sijn sal int jair va(n) lxxv eene(n) t(er)mijn va(n) neghen jare(n) lang/ due(re)nde deen nae dand(er) sond(er) middel volgende elx jairs dae(re)n/ bynne(n) voe(r) ende o(m)me thiene mudden t(er)wen sevene(n)twintich/ mudde(n) rogs vijf mudden g(er)sten vijf mudden hav(er)neels acht/ mudden spelten twee mudden erweten en(de) sesse en(de) een halff/ mudden evenen elx greyns goet en(de) paiabel met wa(n)ne ende/ met vede(re)n wel bereit d(er) maten van loven(e) alle jare te/ kersmisse te bet(alen) en(de) inde(n) vors(creven) goidshuyse te leve(re)n den selve(n)/ goidshuyse oft sinen p(ro)cur(eur) den vors(creven) t(er)mijn due(re)nde en(de) telke(n) t(er)mijne/ als v(er)volghde schout Ende om derthien hond(er)t scoeven stroes de/ tweedeele roggen stroes en(de) dand(er) derdel som(er)stroes en(de) thien/ hond(er)t walms gelijcme(n) tot grave(n) gemeinlic maect te grave(n)/ te leve(re)n uutgesceiden een hond(er)t scoeve(n) stroes als vande(n) xiii[c]/ scoeve(n) stroes voirs(creven) dwelc sij jairlex leve(re)n en(de) betale(n) sullen den/ p(ro)chiaen van graven Ende noch jairlix om vijftien mudden/ rogs en(de) sevene en(de) een half mudden have(re)n elx greyns goet/ en(de) paiabel d(er) maten van loven(e) die de vors(creven) wynnen [va(n) wegen des voir(screven) cloest(er)s] jairlix/ sculdich sijn sullen te kersmisse te betalen en(de) va(n) weghe(n) des
//
den hove van bealsart en(de) te graven te leve(re)n en(de) dat also in tijts/ en(de) in uren dat tvors(creven) cloester van ts(er)togendale mids der/ ombetalinghen oft v(er)trecke van betalinghen niet bescedicht en/ worde Op de vurwerd(en) en(de) (con)dicien h(ier) ond(er) bescr(even) te weten/ dat de vors(creven) wynnen nocht egeen van hen sijn gedeelte vand(er)/ vors(creven) thienden neghene(n) ande(re)n vremden p(er)sonen dan deen den/ and(ere)n en sullen mogen uutgheve(n) noch v(er)pachten en(de) oft enich/ van hen sijn gedeelte den and(ere)n overgave oft v(er)pachte dat de/ ghene van hen die dat vanden and(ere)n also ov(er)name oft ver/ pachte den vors(creven) cloeste(r) van ts(er)togendale dat va(n) nouws ver/ borghen sal met also goeden borghen als sijn de ghene die nu/ dair voe(r) staen Es voirt vurw(er)de dat de vors(creven) wynnen jairlix/ hue(re)n t(er)mijn due(re)nde de schue(r) den voirs(creven) goidshuyse toebehoe(re)nde/ gelegen te graven hebben sullen en(de) die houden op hue(re)n cost in/ goeden state en(de) r(e)p(ar)acien van allen ouden wercke behouden dat/ hen tvors(creven) cloest(er) die tot hue(re)n aencome(n) gehouden sal sijn redelijc/ te doen r(e)pareren en(de) oft de vors(creven) wynne(n) bi(n)nen den vors(creven) t(er)mijne/ aende vors(creven) thiende enige scade hadden van gemeinen oirloghe/ oft tampeeste dat hen tvors(creven) cloest(er) d(aer) af rastoir doen sal/ gelijc ande(re) boven en(de) beneden hue(re)n pechtene(r) doen sullen En(de) alle/ dese vurwerd(en) en(de) geluften boven bescr(even) hebben geloeft de vorscr(even)/ bouwij als p(ro)cur(eur) des vors(creven) cloest(er)s en(de) van wegen desselfs in deen/ zijde en(de) gosseal en(de) katline malcande(re)n vast en(de) omv(er)brekelic te/ houdene tallen tijden en(de) t(er)mijnen als die vallen en(de) v(er)schinen sullen/ q(uolibet) ass(ecutu)[m] Hier af sijn borghen als voir deen helicht d(er) voirs(creven)/ thienden der vors(creven) katlinen als p(ri)ncipael sculde(re)n indivisim jan/ besuts wettich sone besutz wile(n) besutz en(de) jan goffaert sone/ wilen goffarts guetken brued(er) d(er) vors(creven) katlinen welke borgen/ de vors(creven) katline geloeft heeft h(ier) af scadeloes te houden ende/ tontheffen met vurw(er)d(en) oft tenig(er) tijt gebrec viele ind(er) vors(creven) kat(li)[ne(n)]
//
ind(er) betalinghen van hue(re)r helicht d(er) thiende(n) vors(creven) dat de/ vors(creven) huer borghen alt(ijt) huer hande aende selve helicht/ d(er) selv(er) thienden en(de) vruchten d(er) selv(er) slaen moghen en(de) die/ houden den vors(creven) t(er)mijn due(re)nde En(de) als vand(er) and(er) helicht/ der vors(creven) thienden sijn borghen des voirs(creven) gosseal als p(ri)ncipael/ sculde(re)n indivisim h(er) jan joveneal prieste(r) sijn sone r(e)nu(n)cie(re)nde/ in desen de p(ri)vilegien en(de) vriheid(en) vand(er) univ(er)siteit van loven(e)/ en(de) alle ande(re) gerart del poirt nu t(er) tijt wonen(de) te loven(e) reyne(r)/ du mollijn wonen(de) inde p(ro)chie van graven en(de) jan laureys/ wonen(de) te gottekem welke borghen de vors(creven) gosseal geloeft/ heeft h(ier) af scad(eloes) te houden voirt heeft geloeft de vors(creven) h(er) jan/ den vorg(enoemde) gerarde reyne(re)n en(de) ja(n)ne scadeloes tontheffen cor(am)/ blanckart hoeven maii xxiii