Het zijn comen in rechte voir meye(r) ende scepen(en) van loven(e) willem/ die wyn gheheeten van schore t(er) eenre ende roelof vander elst in/ dande(re) aldair de voirs(creven) willem dede segghen dat hij tande(re)n tijden/ ov(er)ghegoedt hadde den voirs(creven) roelove zeke(re) goede tot berhtem ghelegen/ ende dat dair nae bij vo(n)nissen der scepen(en) van loven(e) uckele tusschen hen/ vo(n)nislijken ghewijst es dat de voirs(creven) roelof den voirs(creven) willem(me) schuld(ich)/ es weder o(m)me te goeden inde goede dair hem willem anderwijle/ inne gheerft heeft in ald(er) formen hij dair inne ghegoeydt was/ Acht(er)volgende den welken de selve willem beg(er)de ende versochte/ hem die goedinghe alsoe ghedaen te wordden(e) des hem bijden voirs(creven)/ roelove niet ghedaen en es ende al mochte de voirs(creven) roelof voir/ hem nemen dat hij den voirs(creven) willem(me) opdracht ghedaen hadde ende/ inde voirs(creven) goede weder o(m)me ghegoeydt soe en wa(r)e nochtan die/ guedinghe niet gheschiet vanden goeden alsoe de selve roelof te/ voren dair inne ghegoeydt was Want den wijng(ar)t doen t(er) tijt/ bevrucht was met druyven welke druyven en(de) wijn de voirs(creven)/ roelof tot hemw(er)t ghetoghen heeft ende oick es den wijng(ar)t een/ groot deel sindt afghehouden ende alsoe en heeft roeloff die goede
//
niet ov(er)ghegoeydt alsoe hij die te voren hadde ende in alsulker/ formen als hij bij willeme ghegoeyt was seggen(de) oick mede/ dat roelof die goede uutghedaeght hadde Ende de voirs(creven)/ roelof t(er) (con)trarien dede segghen dat hij den voirs(creven) willeme/ naevolgende den voirs(creven) vo(n)nisse van uckele ov(er)gegoeydt hadde/ nae inhouden zeke(re) scepen(en) brieve(n) van berthem ghedateert/ drie daghe in novembri a(n)no lxxii ende dat hij die goede/ niet uutghedaeght en heeft van sijne(n) weghen dan alleene/ als p(ro)cur(eur) h(ere)n claes van sinte goerix ridd(er)s Soe es ten/ uut(er)sten ghewijst dat de voirs(creven) roelof met den [weder] ov(er)goeden(e)/ die hij gedaen heeft ghestaen sal alse vanden gronde der/ goede voirs(creven) cor(am) blanck(aer)t iu(doco) abs(oloens) hoeve(n) lynden maii xxiiii