It(em) jan van goethuysen wonen(de) te nederlinthe(r) zone wijlen henricx/ in p(rese)nc(ia) heeft ghehuert ende bekint dat hij ghehuert heeft teghen/ vrancken pynnox als rintmeest(er) ende clerck sheylichs gheest van loven(e)/ van weghen desselfs heylichs gheest eene(n) beempt alsoe hij gelege(n)/ es in eyghen van oplynthe(r) tusschen de strate van nederlinthe(r) in deen/ zijde ende dadinghe beempde in dande(re) Te houden(e) en(de) te hebben(e)/ van halff m(er)te lest leden eene(n) t(er)mijn van drie jaire(n) langk/ due(re)nde deen nae dand(er) zond(er) middel volgen(de) elcx jans dae(re)n/ bynne(n) voe(r) ende o(m)me tweelf gul(den) te x stuv(er)s tstuck alle jaire/ tsinte m(er)tensmisse vallen(de) en(de) ombeg(re)pen te kersmisse te bet(alen) den voirs(creven) t(er)mijn/ due(re)nde q(uolibet) ass(ecutu)[m] met cond(icien) dat de voirs(creven) jan den voirs(creven) beempt beheyme(n)/ en(de) bevreden sal op sijne(n) cost den voirs(creven) t(er)mijn due(re)nde met cond(icien) oick/ oft e(n)nighe(n) vloet van wate(r) quame oft and(er)ssins enich ongheval/ datmen hem dair af nochtans gheen cortsel doen en sal Welke/ vurw(er)den de wyn gelooft heeft te voldoene (et)c(etera) cor(am) blanck(aer)t hoeven/ augusti xx[a]