It(em) vanden gheschille opverstaen tusschen jannesse vander/ hofstad zone wijlen jans in deen zijde ende lodewijken uut(er)/ helicht in dand(ere) van div(er)se gheschillen die sij deen totten/ ande(re)n uutstaende hebben oerspronck nemen(de) nae de doot ende/ aflivich(eyt) van wijlen joffr(ouwe) marien vander hofstad sust(er)s des voirs(creven)/ ja(n)nes ende van wijlen laureys uuter helicht des voirscr(even)/ lodewijcx brued(er) mids goeden ende pe(n)ninghen die wijlen/ wa(r)en des voirs(creven) wijlen jans vander hofstad ende sijns wijfs/ Hebben hen de selve p(ar)tijen van dien ende des dair aen cleeft/ ende van allen ande(re)n gheschillen tusschen hen uutstaen(de) opden/ dach van heden ghesubmitteert ende verbonden in segge(re)n te/ weten(e) de voirs(creven) jan vander hofstad in meest(er) woute(re)n van/ ruplemonde en(de) arnold(en) kyp ende de voirs(creven) lodewijck in meest(er)/ robbeerte de lacu ende in meest(er) janne calab(er) In sulker vueghe(n)/ dat elck vanden p(ar)tijen sijne(n) eysch sal ov(er)gheven in ghescrifte/ den segge(re)n sijnre wederp(ar)tijen bynnen xiiii nachten naestcomen(de)/ dair teghen elck p(ar)tije sal maken sijn verantw(er)den ende dat ov(er)geve(n)/ insgelijx bynnen xiiii nachte(n) dair nae ende oft den segge(re)n dunct/ dat noot es van replice(re)n ende duplice(re)n zonder meer sullen sij/ dair toe t(er)mijn stellen tot elken xiiii nachte oft dair onder Ende/ de t(er)mijne van ov(er)gheven(e) der ghescriften verstreken sijnde sullen/ de segg(er)s op dat sijs eens sijn informacie vander zaken nemen/ en(de) huer uutsprake dair af doen bynnen xiiii nachten nae/ dleste ov(er)gheven Ende oft sij discordeerden zullen sij eendrechtichlic/ nemen eene(n) ov(er)man ende oft sij dair inne discordeerden zulle(n)/ sij alsoe vanden ghenen dair af sij in gheschille staen den/ ghenen dair inne de drie accorde(re)n oft and(er)s metten lote eene(n)/ neme(n) Ende wes die segg(er)s oft die ov(er)man hier aff uutspreken/ zullen hebben ghelooft de voirs(creven) p(ar)tijen vast ende ghestentich/ te houden opde pene van hondert croene(n) terdel der/ univ(er)siteyt terdel der stad van loven(e) ende tderdel der
//
wederp(ar)tijen die tsegghen houdt Ende oft e(n)nighe/ p(ar)tijen segge(re) ghebrake sal elck moghen nemen eene(n)/ ande(re)n in die stad zonder fraude cor(am) blanck(aer)t hoeve(n)/ junii iiii