Allen den ghenen dien dese onse l(ette)ren gethoent zullen worden/ burg(er)meest(ere)n scepen(en) ende raid der stad van loeven saluit/ want ter rechtverdicheit diend der wairheit alsmen dair toe/ dueghdelic versocht worde getuyghe te gheven soe eest dat wij/ tegewoirdichlic versocht zijnde voe(r) de gerechte wairheit certifice(re)n/ dat zydert halfmeye lestleden tot op den dach van heden/ deen na den ande(re)n te diversen stonden in onsen p(rese)ncien verschene(n)/ ende gheco(m)pareert zijn en(de) hen verthoent hebben in natuerliken/ levene livende ende levende zijnde de p(er)sone hier na bescreve(n)/ Te weten ierst meester laureys van mailcote soen wilen jans/ ende h(er) jan vande(n) zanden geheten luycks beide priesters raes/ vander lynden henrick van mylke joffr(ouwe) lijsbeth ysacks wedue/ lodewijcks wilen van meersberghe joffr(ouwe) yde ysacks huer zuster/ religieuse inden goidshuyse vander banck by loeven katline/ magermans nu wettige huysvrouwe jacobs van vertrijcke/ tynnepotghieters jan van berthem soen wilen roelofs joffr(ouwe)/ g(er)truyd sangwijns nu religieuse inden goidshuyse van s(in)te/ bernards bij diest joffr(ouwe) marie scusters weduwe vrancks/ wilen kemels jacob edelhe(re) en(de) jan de custe(re) briede(r) soen wilen/ pauwels Beky(n)nen(de) en(de) verlyende de selve p(er)soene ende elc/ van hen zo verre hem des aencleeft met desen selven brieve/ dat zij ontfanghen hebben uut handen henricks celen rintmeest(er)/ nut(er)tijt onss gened(ichs) h(ere)n tshertoghen in zijnre stad van tsh(er)toghe(n)bossche/ ende van weghen desselfs ons gened(ichs) h(ere)n de lijfrinten hier na/ bescreven Te weten de voirs(creven) meester laureys twee en(de) eenen/ halven rijnsch(e) gulden(en) h(er) jan vanden zande thien rijnsch(e) gulden(en)/ raes vander lynden thien rijnsch(e) gulden(en) henrick van mulke/ vijf rijnsch(e) gulden(en) joffr(ouwe) lijsbeth ysacks vijff rijnsch(e) gulden(en)/ de voirs(creven) joffr(ouwe) yde heur zuster vijff rijnsch(e) gulden(en) katline/ magermans met consente des voirs(creven) jacobs van vertrijcke/ heurs mans drie rijnsch(e) gulden(en) jan van berthem vijf/ rijnsche gulden(en) de voirs(creven) joffr(ouwe) g(er)truyd sangwijns drie rijnsche/ gulden(en) joffr(ouwe) marie scusters vijf rijnsch(e) gulden(en) jacob edelhe(re)/ zeven ende eenen halven rijnsche gulden(en) en(de) jan de custe(re)/ twee ende eenen halven rijnsch(e) gulden(en) welcke p(ar)cheele(n)/ ende so(m)men de voirs(creven) p(er)sone zeiden hen verschenen ende/ ghevallen te wesen te paeschen lest voerleden van heure(n)/ jairliken lijfrenten op de profijten ende demainen des/ voirs(creven) ons gened(ichs) he(re)n in zijnre stad vanden bosche voirs(creven)
//
ende op de selve stad gelijc de brieve dair op gemaict/ dat clee(re)n moegen Bekennen(de) hen de voirs(creven) p(er)soene/ ende elck bizunder vanden zijnen boven geruert/ alsoe vanden voirs(creven) t(er)mi(n)e ende allen voerledenen/ t(er)mi(n)en voer wel betailt en(de) vernueght Sceldende/ dair[a]f quijte onsen voirs(creven) gened(igen) he(re) zijne(n) rintm(eeste)r/ en(de) der stad vand(en) bosche voirs(creven) en(de) allen ande(re)n/ des quitancie behoeven(de) cor(am) tybe burg(imagistr)[o] hoeve(n) lynde(n) scab(inis) junii xv